Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

SHOMA KANDI OYETEGYEREZE ENGYENDERWAHO Z'EBYOKWERINDA OMURI MBARARA DISITURIKITI.


Omudumizi wa porisi ya Mbarara disiturikiti
Nekya Kashari platform
429

Orwamukaaga 2022-12-24

Obwo abantu bariyo nibetebekanisiza ekiro kikuru kya noyiri, omudumizi wa porisi ya Mbarara yahayo okuhabura oku abantu bakubasa kwerinda kandi bakaraba omubiiro bikuru ebi batatungire ebizibu. N'obasa kushoma obuhabuzi kandi ogabaneho n'omutayi wawe.

Obuhabuzi obu yaburabiza aha mikutu ya migita byaro nangashi sosho mediya

1. Kyinga enyigi namadirisa g'enju yawe nokeresa enkufuru ezamaani.

2. Tekaho amatara gaheeru burizooba kutandika na shaaha ikumi n'eibiri kuhitsya shah'emwe omukasheshe.

3. Koresa eby'okwerindisa ebyamaani nka okusibisa enjegyere n' enkufuru omumyanya nka geti nenyigi ezitine maani.

4.Gabana nabariranwa baawe enaamba yaawe y'esimu kibanguhire kukuyamba omubwire bwakabi.

5. Yetantare okugyenda nebintu nka sente omurugyendo rwawe.

6. Bikaagye ebishumuruzo byawe omumwanya gwekihaama.

7. Yerinde okusiga amadaara aheeru .

8. Teema ekishaka ekyehinguririze eka yaawe kumaraho ebweshereko bwenkozi zebibi.

Ahabwabanywani beitu abarikwetebekanisiza engyendo ;.

1. Yerinde kumanyisa banywanibaawe ebyorugyendo rwaawe nokoresa social media ningashi internet.

2. Kyebera Kandi orebeke ngu ekiruka kyawe Kiri omumbera nungi otakatandikire orugyendo.

3.Yerinde okunywa Kandi okavuga.

4.Yetantare okukozesa esiimu waba novuga nka okushoma nokusindika obutumwa.

5.Shoma Kandi oyetegyereze obumanyiso bwahangundo kwerinda butandu.

6. Oyerinde okutwara abashabaze botakwetegyereza.

7.Rebeka ngu omugugu gwawe gurinzirwegye omukiruka ekiwatamburira mu.

8. Rebeka ngu wapakinga ekiruka omumwanya ogutakwerarikiriza kubamu enkozi zebibi.

9.Kyebera omundeberwamu yekiruka kyawe namunonga waba novuga.

10.Rebeeka ngu enyigi n'edirisa ze kiruka zikingiregye obwire bwoona.

11.Yerinde okuvuga ninga okutambura nyekiro.

12.Bikagye ebisumuruzo byekiruka kyawe.

13.Yetantare okubika eshaho yomungaro ninga ebahasa ahansi ninga ahiguru yekiruka.

EKYOYINE KUMANYA

Yetantare emyanya eyeherire ningashi erimu omwirima.

Manyisa abebyokwerinda ebintu ebyibirwe ninga ebibuzire.

Yerinde ebicweka ebirimu orwari ningashi music yahiguru ,omubicweka nka amabara ,ekanisa ,hotel nahandi.

Yerinde okubagana PIN yawe ya akawunti yawe ya bank.

Tekaho abakuumi aha matungo gawe nanokushashura abarisa omubwire.

Ebirikukiraho teera

Oc Bwizibwera station

0740438038.

Oc Rubindi station

0709010875.

Nimbedeza ekiro kikuru kirugi no'mwaka gobusinguzi 2023

Ninye DPC MBARARA

IRENE KAYEMA

0707969679

0782245429

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)