Kagiira Skills Development Center, Agriculture With New SkillsNkamuhutira aha mboozi y'amarwa yanyeta muzahura, rukira bashaija
Kenyangi
Nekya Intaneti
804
Orwamukaaga 2023-01-21
Omwaka gwa 2023, gutandikire n'ebyagwo. Turebire empagare eyibarikweta Pretty Nicole n'eterwa empi, enkoni, eminigo nagwa nahati abojo bariyo nibaronda empare ye eyiyabaire ajwire ahabwokuba n'eyobuguzi munonga. Iwe waba n'ohakana buza omukuru Kasuku owa TV.
Kutuba twaruga omubya Nicole tureba Sipayisi omweshongonzi ajwire nk'omujungu kandi byoona ebyeye abyanikire. Okaba otarikwetenga ekirebeso ningashi bayinocura okureba ebi nyina yamuhire.
Mbwenu omwaka ogu emboozi ebaasa kuba ndeingwa ahabwokuba abasheija bariyo nibetega kandi abandi n'ibaterwa. Nomanya abashaija kuterwa nk'ecuce? Eki nikizira omuri Nkore, omushaija niwe ayine ekitezo. Mbwenu imwe bakazimwe, murekyeraho kutera abashaija.
Beitu banywani bangye abakundwa nimukimanya ngu omwezi gw'okwokubanza gurimu ebiro 68? Manya gurimu amashuma n'amatemba.
Obwahati abantu nyamwingi bakiri omumashuma ahabwokuba omwezi gwa Mukama weitu Yesu Kurisito obuyazarwa abantu nyamwingi omu Uganda n'ensi yoona bakashemererwa bayebwa ngu omwezi gw'okwokubanza gurimu ebiro nyamwingi. Ekyo abakimanya muterere Ruhuta omungaro n'amaani. Eh Eh!
Ebyo bikiri aho, n'omanya ngu ebya sitandibayi genereta biriyo nibitwara Abanyauganda sipidi yekijungirizi? Nikirebeka Gen. Kahinda Otafiire takabikyengiregye. Natekateka ngu amashanyarazi ga Uganda nigakikora konka itwe Abanyauganda nitukimanya gye ngu amashanyarazi nigaburara kandi ezimwe aha damu zikazamu entangura. Ebyo katubirekyere aho.
Hmmm, N'omanya ngu omunyeishengyero wa Buhweju ariyo nayetwara buguru butakora hansi na Minisita omwe omu gavamenta ya basi? Ngu owa Buhweju n'omunyabishuba kashushu.
Ngu Swenkuru otaruga aha meyini, beitu obwataruga ahamuhanda nyeigyendwa namanya enguto za Uganda ebiro ebi nimbi munonga, Shwenkuru abasa kuruga aha meyini atakimanyire. Shwenkuru ashemereire kwetereza.
Nkokunaba nabagambiire, emboozi z'amarwa zibeire zirinyingi kwiha omwaka gwa 2022 n'okutandika kw'omwaka gwa 2023. Uh! N'omanya emboozi zamarwa zinuzire. Emboozi Emboozi. Imwe nimbashaba mugume aha Agoweitu. Nimwiza kukyetegyerezagye munonga. Obutabasibizayo, kambatebeze nk'okunahusire Kenyangi omwegyesa akanyeta muzahura, rukira bashaija, Sadam Huisen, 'omutugyu, hahahaha! Hmmmm!
Ruhuta kubugana Kenyangi aha mboozi y'amarwa.
Nkumba ndisize omumwabazyo gumwe, munywani wangye Rutaro adabyamu akasimu, ati karumuna orahi? Nanye mugarukamu nti, naba ndiyo ndisize ente zangye konka ndiyo ninza kuzitasya.
Rutaro ati "Ruhuta waferwa, emboozi yahamarwa". Ati: abashaija beraganiise kushutama bakatebya. Ati mbwenu kworamare kutasya, oije otwegiteho ahabwokuba emboozi n'eeza kukwata ahansi n'aheiguru. Nanye timba mubi, mugarukamu nti naheza kutasya, ninyija kubarabaho nanye mpurire aha mboozi ensya.
Ntyo nyeta siina, siina yabihuga, ntera ebifizi, ncuruza kandi nyeshongora. Ndeba ente zatera omushororongo, zityo zikwata eirembo.
Rutaba azakiira omufamu ya Ruyenje nanye nikwo kweyongyerayo nkataha kuza kwerabyaho otwizi obwo ndikwetebekanisiza emboozi y'amaarwa.
Epiki yangye y'ekika kya Honda ejumera nk'enyonyi ngitamu omuriro ndikworekyerera akatauni keitu akabashaija akubashariramu ebigambo nanga wadi.
Omukatauni ako harimu omukyara orikumanywa nka mama boyi, mama boyi niwe ayine ebika byamarwa abojo ebibakunda kandi ebirikubashangura mangu. N'omanya ebiro ebi tibyorobi, oine kushanguka kare, obundi wagaruka omuka, okabyama oine obusingye.
Ekyantabwire, munywani wangye Rutaro akakyererewa kuhika ahamwanya konka aboojo bakaba baakikire, oyijukye nkaba namanyise Omw. Mukombozi kutema kiro ishatu z'enyama y'empunu za supeso.
Ebyo bikiri aho nkabanahurire ngu mama boyi atahizemu omuyambiwe ahamwanya gwe kandi ogwo omuyambi, akaheza emishomo ye ah'eitendekyero erikuru erya akashozi kamwe omukibuga Kampala kandi n'omushomesa w'ebyobutegyeki omwitendekyero niryo rimwe. Konka kubahumwire nikwo kwija kuyambaho mukuruwe mama boyi.
Kumpika ahamwanya, ndeba omwishiki murungi munonga kandi owabaire namwenya okukira omugabekazi waaba Sileyi kwiini. Omwishiki ogwo akaba ajwire akateteya aku Irene Ntare yagambireho, akateteya karungi munonga. Mbwenu nibagira ngu Muhozi ayine erisho ry'okureba empagare, omwishiki ogu, akaba abasa kumutwara kutenga orutaro kandi bakakwata ekibuga ekikuru kya Kenya ekya Nairobi omusabiti ibiri zonka. Omwishiki akaba ayine ekibunu nk'ekyomweshongizi Winnie Nwagi. Eishokye rye rikaba niryangashana nk'erya Sirindiyoni.
Akampikaho aho naho, yambuza ati, tukuheyoki kasitoma? Konka mama boyi erisho akaguma arisimbire nk'eryempiri.
Nibagira ngu mama boyi, akaba namufuhira nk'omukazi ayine mukeiba. Nyowe Ruhuta ebyo bikaba bitakindya buzima.
N'omanya ngu omwishiki akaba ayine akamwenyo karungi!
Nanye mugira nti mpayo ekikopo ky'omukomboti. Omwishiki, ambuza ati mbwenu nkiwe n'onywa omukomboti, atyo asheka ensheko. Agira iwe n'obasibwa ecupa z'amaani ahabwokuba ory'omushaija ekwata buta, omushaija abonire kandi w'ekitinisa. Bambi, akaba atakumanya ngu itwe aha kyaro nibyo by'okunywa byeitu.
Ekindi, omwishiki akaba atarikukimanya ngu itwe twaba turi omukatauni keitu nitunywa amarwa g'abantu b'ahansi kandi omukomboti nigumwe ahamarwa g'abantu bahansi.
N'omanya omwishiki akangiraho ngu mpindure ekyokunywa ekyo. Nanye timba mubi mpidura ahakyokunywa ekinabirenshabire ekyo omukomboti.
Namanya ngu ekyokunywa ekinatumiise, mama boyi takiine. Aho, niho natandikiire emitego yangye y'okuhuta empagare egi.
Omwishiki nkamutuma omuzinga gwa Black Label, omukatauni keitu gukaba gutarimu. Hakaba haruho akagyendo karingwaho kutunga ekyokunywa ekyo.
Nkanyururayo empampura z'emitwaro 250,000/= omusente za Uganda nazimukwasya agyende agure ecupa egyo.
Omwishiki nkareba yahwa amaani ahabwokuba akaba namanya ngu mama boyi ekyokunywa ekyo akaba atakyine. Haza nkaremeraho nti ninyenda kunywa ekyokunywa ekyo.
Omu bwiire bukye, nkareba emotoka y'ekika kya Subaru moduro esya yaruga omukikari ekyabaire kiri heihi na mama boyi ahuyabaire naguriza amarwa, bwanyima nikwo kworekyera omutawuni eyabaire n'ekurataho.
Omukeire ako nikwo Rutaro kutahamu n'abojo. Mukombozi ayehuta nikwo kuturetera enyama y'eitu ya mutambuza busingye. Abojo bagishumahaho batandika kugirya. Ebyokunywa batumisa, emboozi etandika. Haza emboozi etamburagye konka omushaija Musibankobe owebyokwerinda aha katauni agira ati mama boyi atahizemu enkoni y'empagare kandi ahakyaro abashaija nibamutiina kandi oburungi bwe ninko obw'enyonyozi. Eizina rye nibamweta Kenyangi kandi omwegyesa omwitendekyero rukuru omwihanga. Mbwenu abojo bakatandikaho ekigombe kyaabo ekya LISO, ekyokusherura amakuru agarikufa omukyanga kandi omwe kirikukurirwa owashomeire omwihanga rya Russia, omubugufu Musibankobe ebihama ebyatura.
Mbwenu nibagira ngu omugisha nigwija omurundi gumwe, ahamutima nkagira nti kamurinde agarukye mworekye enamba n'amaani ga Ruhuta. Nakahuta omuchaina rero ogu munyankore weitu niwe arandeme?
Omwojo emboozi azitandika, ngu mwine Ruhemba ogwejura n'ayenda kuza Nairobi kandi eihe rye niribasa kuhamba ekibuga Nairobi omusabiti ibiri zonka. Ati encukye Pretty Nicole, abaishiki bagitire empi n'eminigo, ngu Supayisi Diana niwe mweshongozi w'omwaka ogu. Ati n'omanya ngu Uganda neeza kwetaba omumupiira gwensi yoona omumwaka gwa 2026? Kandi Christiano Ronaldo akaraganisa kutayayira Kaguta Museveni Tibuhaburwa. Beitu omwojo akatutwara sipidi.
Omukeire kakye Kenyangi, agaruka ayine omuzinga na baransi yangye kwonka baransi ngimurekyera nka tipu.
Kenyangi egirasi agireta, emeza agitereza bwanyima anyeta kushutama ahameza egyo. Buzima omwishiki akaba nafayo. Obwo nyowe mbayo nfa. Rusimura maziga yangye ekaba neshaba eky'embabazi. Ekaba n'eshaba ngu Kenyangi kwikiriza akaroza aha mbabazi zayo.
Nikwo kweta Rutaro tukaruga ahamboozi z'amarwa n'abojo nikwo tukatandika kunywa omuzinga.
Y'eimwe Kenyangi akaba ayine omubiri nk'ongwa Supayisi. Nkab'omurembe gwahati, omwishiki ogu akaba ayine Nyashi. Okabagira ekikonda njojo kimukyera wena ohurira obunuzi bwakurenga. Akaba nahumura gye. Omubiri gukaba gworobereire, gurikuterera. Omwishiki akaba abonire. Amabere ge gakaba gashongorize nk'a ag'abishiki b'obugabe bwa Lisotho omu mashuma ga Afrika. Akaba aribata niiwe oreeba kirasi, oreeba ngu buzima omwishiki ogu n'oworurembo rwa Kampala, ti kirasi ya aba nigina nk'amwine Sodo omugabe w'ebyobutegyeki bwa Ibanda ebyatugambira butosha.
Ruhuta kwehutira Nyashi ya Kenyangi
Omwaka ogu, tigworobi, n'omanya mbeire ntakanenire akantu koona. Eiriho n'enjara bibeire bindikubi. Ruhuta ebyangye nibireingwa.
Bwanyima y'okwihaho emihingo ya ebola omuri Mubende, otuhangare tw'ona otumbeire nimbugana tubire turi omururengo rwa Pretty Nicole. Tubire turitugufu nka wiikendi kandi tuto. N'omanya ensi yahati egwire enshazi, otwana nitujwara oshushana ngu tuzirwanireho.
Nibyo ebiro bimwe polisi ebeire eturikari nagwa bikiryaho polisi y'ebyentambura omuri Mubende ekakwata emotoka yangye, kandi n'eryanyakazoba ekigikwasire. Beitu obwo n'omanya nkaba ngiire kwehutira Rukwanzi konka mwine Kaguta akatusiba kumara enaku 45. Ekyo n'omanya ekikirukumanyisa. Rukwanzi akampuba buzima. Amaani goona akagahezamu. N'omanya kurya Nyashi burikasheshe, omwihangwe, omumwabazyo kandi nekiro? Manya Rukwanzi akaba nasheneneka nk'omugyera gwa Katonga.
Katugumizemu....
Tutyo Black Label, tugishenya ahansi nyowe na Rutaro. Kenyangi nawe ayeriira kiro ya poka nana amacupa ga Club 5. Nkareba yatandika kugamba orujungu orutakwetegyerezibwa. Manya agambira mama boyi kwongyera aha muziki. Ekibunu akihindura, manya ayeshongora, kamurebe! Atyo agutandika. Nanye nguma ninzinisa emabega omuntebe yangye, haza mwana obuwenyo tubitaho. Rutaba ati timwatuma mwayehikira. Rutaba ataba, manya ataba. Ndeba yabakura Kenyonyozi omuteki w'ebirengye. Kenyonyozi ati ntwire nkurizire Rutaba wangye. Manya omunyigo gugyenda omumaisho. Obwo Kenyangi eiraka arita aheiguru. Burikyeshongoro kyona ekibabire batera akaba nakimanya. Eh, batyo batera turibabandana ekya Grenade, oh oh! Abazani ba She Cranes nibepanka, omwana akahindura eki nyina yamuheire, kamishana w'ekyanga yayekomba yatandika kugamba orudikya. Ati itwe turi bababanywi bamamarwa. Ha Ha Ha!
Bwanyima yabyona, n'omanya owomugisha gwe, n'esano n'emera kandi enumi ezara, nikwo Kenyangi kwiza kunsiima. Nanye omugisha gwokumugambira otugambo twangye omwishiki weena otwayine kuhurira kuruga ow'omushaija weena.
Otugambo akatwikiriza kandi yampa endagiriro ahi nakubasa kumushanga. Akangira ngu akansiima kaare atakandebire. Mbwenu ekyo nikiza kita?
Ekirungi nkaba natungire passiwadi zoona kuruga omubachonzi beitu ba LISO. Okutwarizahamwe, tarempenzire.
Omwanya nkaguhikaho shaaha emwe z'omwabazyo. Emotoka ya Subaru ngireba eyemerire omunda, omwanya ngutahamu. Yamawe! Yamawe! Yamawe! Nimuhimbisa abeishiki ba Rwanda, Eritrea na Ethiopia ngu beine Nyashi, reka reka, omwishiki ogu akaba nakitera omu Uganda n'aheru nk'ekyeshongoro ekyomweshongozi wa Burengyerwa eizooba Dr. Billy Lo.
Kenyangi, nkeikiriza ngu n'omwishiki wamani kandi aboneire buzima. Aka rizavinga ehoteri y'amani omutawuni eyabaire n'ekurataho. Imwe Kenyangi akaba ayine akasente n'obusente. Oburingwa bwe bukaba nibukira munywani wa Stella Nyanzi owakutura nawe omunsi ya Buturuki. Kenyangi akaba ayine rukundo erengire enyetegyereza y'omuramuzi. Manya omwana akankunda kandi buzimakwo akankunda.
Nanye nkaba nyetegire nk'egamba yahati kandi omutego gwangye buzima gukarabamu.
Kunataahire omu kishengye ekiyampagise, aho naho akanyurira yatambika aha kitanda dabo bedi mazongoto, ekyabaire kyaziregye kandi ekyabaire kyine amashuka garikwera titi, akanywegyera, yankwata ahamunwa nakaara ke, ati otagira ekiwagamba. Iwe humama. Ayibambe, Rusimura maganya, Rusimura maziga nkahurira yagira okutiinamu, konka yayijuka, ngu akasingye n'okeha.
Akampwehura yangira ati Omw. Ruhuta oboneire kandi ory'omushaija murungi. Nimpurira weena nshemerirwe ahabwokuba ntambwire omubyaro, omutawuni, omwihanga , omu mahanga konka mbaire ntakarebire omushaija nkeiwe. Agira oti oba abarungi batwire nkahi? Obwo banyarunganda, nkaba nafiire. Buzima nkaba ndi omukiroto kya katano. Nkaba ndiyo nindota ndikureba ebicu nabitahiremu, ndiyo ninvuga enyonyi omu 'oto payilooti'. Bambi akahi, ka Kenyangi niko kanyimukize. Nkamushanga nayehindura omukitanda nk'enjoka, ekijumakye kyafene kikaba kyahiire. Kikaba kisigarize okuribwa. Eh, nkatekateka obunuzi obwo. N'omanya kureba ekijuma kyatandika kutonya tonya otwizi. Beitu orarireho fene nkegyo?
Nikwo kwimuka nkeiruka nkaza aha piki yangye nk'ihamu ebirwaniso nikwo kuza omukinabiro kweyonza. Obwo Rusimura maziga y'ona ekaba etyarize, obwogi bwayo burikumurinkana nk'eizoba.
Nkeija nyine amani agabuzire. Nanye nkaba mweshungire. Kandi nk'oku y'ankunzire nanye nkaba ninyenda murongore. Buzima nkamurongora. Ayi bambe! Ebirwaniso nkabyorekyeza eirwaniro rya Ukraine konka nk'enshanga ebinabire nyine biri ebya Uganda ebirikurwanisa aba ADF omuri Congo ebyabaire bitari kutera amaahe ga Russia omuri Ukraine. Kenyangi akagira ngu ntafayo, ahabwokuba bureti purufu ekaba ehamiregye. Mbwenu obwerinzi bukaba buriho buriho.
Nkihayo enyonyi ya migi, eyamutire ekikompora. Nikwo kunyeta Gen. Putin konka mwijusya nti nipurezidenta wa Russia, nikwo kunyeta Gen. Ruhuta.
Manya omwishiki akaba ayine Nyashi Y'eimwe,basheijamwe, waba otakakiroraga, nka abatooro oku bagamba oine kureba kandi okabugana Kenyangi. Hoona tikwe bashaijamwe?
Nk'oku murikukimanya ngu ekicweka ky'okubanza ky'omupiira nikirahuka kuhwaho, buzima mazima nikwo kyahweire.
Kenyangi akambuza ati Omw. Ruhuta tinakwetegyereza, nanye nti manya VAR yaba n'erondora offu sayidi, kandi gooro yagisharamu. Obwo omwesho nkagutandika kubi.
N'omanya abazani nabahagizi b'omupiira beine eshagama emwe, nkashanga eshagama yangye n'ekwatagana nawe. Akeikiriza kumpamu akashumi kakye nanga akahumuro, obwo ndikwetebekanisiza ekicweka kyakabiri ky'omupiira kandi buzima, n'ezekyenda nkazizana.
Nawe nikwe kuronda 'enkumbi', akasiimura rubarura, sabasaba, AK-47, grenade, Miigi na Rukungu. Mbwenu mbatebezaki, omwana ekirwaniso akakiboneza, yakitazya kandi buzima omwishiki Kenyangi akaba ateine eitima nk'erimpurira omukibiina kya aba hopozishoni omuri Kampala.
Aho naho, tukareba rusimura maziga, rugarura magara, muzahuzi yazahuka nikwo akemerera omukibuga kya Kampala obwanga akabworekyeza Bahel El Gazal akarekura sabasaba, emizinga ekabaruka. Reru ba aduyi bakeiruka. Aya basi!
Kenyangi ebirwaniso akabyakira, nikwo akatandika kuhuma omu sitiriyo na besi. Ati Ruhuta ente yangye, magaragagye, nkuzi yangye, rukira bashaija, rugaba magara, mwine weitu, rucungura Rugamba, Ruhemba ogwejura, maguru nyondo ................. ebigambo byo akabigamba. Y'eimwe, omwana akaba ayine eihano, n'omanya amaizi g'omugyera gwa kagyera, ago g'enyini,nigago aguyabaire aine. Manya nibagira ngu akana katagyenda kagira kati mama niwe atekagye. Bashaija mwe, mutandikye kugyenda.
Nanye, Rukungu nkagikwatisa amaani. Omukono nkaguhamya kandi akabaganda ba Buganda baingi aku barikumanya nka 'ake mbarara' nkakwatisa amaani, nikwo kungira ati aho, aho, aho, ati wahika aha muzungu ekiyatumire omwiraguju, kandi omwiraguju ekyataribona.
Kenyangi n'omanya akampa diguri y'okunyaza nikwo kugijwekwa bwanyima y'edakika 50 turi omukishayi turikushara ekapira, turikuterana enkuri na refu akafuha efirimbi.
Bambi, nikwo ekintu kyahendeire kandi akanshaba ngutwije tugarukye tukwatagane.
Akampa akafumito, yanywegyera, nikwo tukasiburana.
Nanye, ntyo nkora omunshaho mukwasa ekyemitwaro 50,000/= eza Uganda ezentambura ye ya Subaru.
Banywani bangye, nanye nikwo kurya Nyashi omu mwaka gwa 2023.
Nasigara ndi Ruhuta mwijukuru wa Rutanyarahansi.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)