Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Omukaikuru w'emyaaka 100, asiimire Ruhanga


Gilbert Mukama owa Agoweitu nakurutsya omukaikuru Margarita emyaaka 100 yobukuru ahandi neebishushani ebitirwe ahakusiimakwe.
Nekya Agoweitu
879

Orwokubanza 2023-01-30

Eizooba rya nyomwebazyo, omukaikuru Karma Margret oubingi barikumanya nka Margarita Namatabalo azagwize emyaaka 100 y'obukuru kandi okusiima Ruhanga akukorire omu kereziya enkuru eya Bubaare Catholic Church omu miisa ya kashaatu shaaha itaano.

Ekitambiro kya miisa ky'ebembirwe Bwana mukuru wa parishi ya Bubaare, Rev. Fr. Tailo E

Omukikuru Margarita, akazarwa omumwaka gwa 1922 omwihanga rya Rwanda konka bwanyima y'orutaro rwamani orwabireho omwihanga eryo nikwo bakafurukayo bakiza omwihanga rya Uganda kandi obwahati n'ahangarira omukyaro kya Bubaare, Bufunda divijoni, Ibanda Munisiparite.

Omukugamba kw'omwe omu bantu abizire naawe, atugizire ngu Karma, akazarwa nabatahibe mukaaga konka bashatu bakatwarwa. Obwahati Karma ayiine abijukuru nywamwingi.

Omwe omubijukuru Prossy, kandi akukora n'ekitongore kya Leading Distillers omurembo rukuru orwa Kampala, asiimire Ruhanga, ahabwokuhangaza nyinenkuru. Prossy, ayongire yagiira ngu, nyinenkuru akakura nakunda Ruhanga n'endiniye katurika. Kandi atwire nahabura abijukuru kukunda Ruhanga Kandi bakaba abantu bemicwe mirungi.

Omushomesa katerangoma owe kereziya ya Bubaare, Wilbrod oubingi barikumanya nka Kaganga agizire ngu omukaikuru Margarita n'ahati nakishoma ebitabobye kurungi kandi n'eshara azishomagye. Amaishogoge nigakireba kurungi. Mbwenu ashabiire abakuristo kugumizamu nibashoma ebitabo by'endini nka baiburi obwo barikurebera aha Margret.

Eshaaha y'okusiima Ruhanga, kwehikire, bwana mukuru ashabiire abakuristo nabandi bantu abashabiire aha kereziya ya Bubaare kwiza kwerebera omuntu ayiine emyaaka 100 y'obukuru.

Buziima, abantu bimukiire bamusimiraho kandi bamukurusya emyaaka egyo.

Omumiisa niyo emwe, Bwana mukuru abatize abaana kandi bayakirwa omuruganda rwa bikiriza.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)