Kagiira Skills Development Center, Agriculture With New SkillsOmugurutsi Samuel Baryatsigaho yashendekyerezibwa
Omugurutsi Samuel Baryatsigaho
Nekya Rwenzori FM Eiraka Radio
1073
Saande 2023-02-05
Samuel Baryatsigaho ishe w'omusasiridoti Rev. Fr. Dan Manzi , y'ashendekyerezibwa enkuyanza ya abantu eryanyakazoba omumakage Ruyonza Bufunda Division, Ibanda Municipality.
Omugurutsi Samuel, akazarwa omumwaka gwa 1944/08/13. Samuel, arugiire omumagara g'ensi egi ebiiro 02/02/2023 ahamyaka 78 y'obukuru.
Akashomera Katara P/S Buhweju, (1953 - 1955), Butare P/S Buhweju (1956-1957), Bitsya P/S Buhweju (1958-1959), Grade II certificate aha St. George's PTC Ibanda (1963 - 1964), grade III Certificate aha Ggaba PTC, (1970 -1971) nikwo kushoma Grade 5 Diploma omwitendekyero rya Kyambogo ITEK (1973-1976).
Omugurutsi Sam y'asiga omukaziwe Noeline Nakacwa kandi aba bakaswerana ebiiro 18/08/1973 kandi omwaka ogu babiire nibatekateka kukuza emyaaka 50 omubushwere.
Samuel, akakora emyooga miingi. Akakorera gavumenta kandi nabwanyima yakora emirimo ye nk'omuntu.
Omumwaka gwa 1972-1973, akahereza nka mukuru wishomero rya St. George's Demonstration School, Ibanda.
Akabaho tyuta w'orujungu n'okweshongora omwitendekyero rya Bishop Stuart Teacher's College Kakoba 1976-1981). Nikwo akakora na British American Insurance, 1979 -1982.
Kuruga 1983 - 1983, akashomesa Ibanda Secondary School.
Omumwaka gwa 1983 akegiita ahitendekyero rya St. George's PTC Ibanda nka tutya kwihitsya 1989. Omumwaka gwa 1995 - 2004, akagaruka omwitendekyero niryo riimwe nka tutya.
Akaba ceyemani w'okubanza omurutaro rwa NRA nangashi orwarwagisiriza Ibanda Sub District, 1985-1988.
Nikwo akegiita ahishomero rya St. Anne's Girls SS Kihani nka mukuru waryo.
Akabaho owokurondora omutindo gwaama shomero ga Ibanda disiturikiti bwanyima y'okuhumura 2005.
Akahereza ekereziya nka Ceyemani wakakiko k'ebyemikono n'obwegyese omuri Ruyonza Catholic Hiika, ceyemani wa centa ya Nyakateete kandi nk'omuhandiki w'ebyobwegyese Bubaare Parish Council.
Omukugamba kw'omutabani James, n'agiira omugurutsi Samuel akarwara endwara y'akokoro. Akatandikwa kujanjabwa omumwaka gwa 2019.
Abanyandini nyamwingi bebembirwe entumwa ya akibishopu witware rya Mbarara, Fr. Paul Mutume bwana Mukuru wa Ibanda parishi Kandi Diine wa Ibanda dinare niiwe yayembera ekitambo kya miisa nanokushendekyereza omugurutsi.
Abandi abantu bakuru abaija kushendekyereza omugurutsi Samuel ni omushambo Robert Rwabwete, Rutobo Ssalongo, Prof. Barya, Hon. Jovline Kalisa omuhwezi wa mukuru w'ekitongore kya PDM, Dr. Kasande, Kajwengye Mericiyadesi owabaireho mukuru wentebe yakatano Ibanda disiturikiti.
Itwe aba agoweitu, nitwendeza omugurutsi Samuel Baryatsigaho ekihumuro kirungi.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)