Kagiira Skills Development Center, Agriculture With New SkillsArsenal eyangire ahameza ya EPL
Enjojo neegyezaho kutemba omuti
Nekya Intaneti
588
Orwokubanza 2023-02-20
Mwena nimukimanyagye ku tiimu ya Arsenal ekaterwa tiimu ya Manchester City, gooro ishaatu omuryemwe eizooba rworwakashatu, nikwo kuhanantuka aha meza.
Omuwiikendi egi, eyitutire amabega, tikigizubire kubugana tiimu ya Aston Villa ekagigwaho ekagitera gooro ina omuri ibiiri.
Eki kiretire tiimu ya Arsenal y'agaruka aha meeza ya English Premier League (EPL), nikwo bambi ejonjo ekagaruka ekeshutamira ahitagi rw'omuti gw'omutiini.
Ejonjo etakashutamire aha eitagi eryo, tukareba eriyo n'egyezaho kutemba omuti kwonka eremirwe kutemba. Manchester City, emazire ebiiro 4 byonka nyamunegyere aha meeza ya premier League.
Manchester City, egwire makazi na tiimu ya Nottingham Forest, omudakika zahamuheru, omuzani wa Nottingham Forest acwiire ekitimba kya Manchester City, nikwo kugwa makazi aha gooro emwe omudijo.
Emipiira endijo ezanirwe, tiimu ya Manchester United, etiire tiimu ya Leicester City gooro ishaatu omuri busha, omupiira ogu guzanirwe eizooba rya nyomwebazyo, 19/02/2023.
Okusiinga kwa tiimu ya Arsenal, kuresireho ebigambo nyamwingi omubahagizi ba tiimu ezitarizimwe naziimwe.
Omuhagizi wa Arsenal, outushagiire aha New Edge Ibanda agiizire buziima embeba ebasa kubayaremirwe kuruma oruhu rwengoma, niko kaari kabiire nikahurirwa omu mihanda nyigyendwa za Ibanda na Uganda.
Odi, ashabiire porisi ya Uganda etakakoma abahagizi ba Arsenal, ahabwokuba amashemererwa gabiire garimingi munonga.
Ondi, ahurirwe nagamba ngu takaruga aha tiimu ya Zakayo.
Emipiira ezanirwe eti; Orwamukaaga
18/02/2023
www.agoweitu.com, English Premier League
Aston Villa 2:4 Arsenal, FT
Brentford 1:1 Crystal Palace, FT.
Wolves 0:1 Bournemouth, FT
Brighton 0:1 Fulham, FT
Everton 1:0 Leeds United, FT
Chelsea0:1 Southampton, FT
Nottingham Forest 1:1 Manchester City, FT
Newcastle United 0:2 Liverpool, FT
Eizooba rya Sande
19/02/2023
Manchester United 3:0 Leicester City, FT
Tottenham 2:0 West Ham United, FT
Okwo nikwo emipiira ezanirwe.
Obwahati tiimu ya Arsenal, niyo eyebembire emeza nanobubonero 54, ekuratirwe tiimu ya Manchester City, nanobubonero 52, omugwakashaatu ni tiimu ya Manchester United, nanobubonero 49 kandi Tottenham Hotspurs eri omukyakaana nanobubonero 41. Tiimu ya Southampton niyo eshembire nanobubonero 18 kandi tiimu ya Leeds United, ery'omumwanya gwa 19 nanobubonero 19.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)