Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Omoding Emmanuel asingire akaruru ka Serere.


Koona eyeruguru ni Philip owa NRM Kandi ebindi neebya Emmanuel
Nekya Intaneti
706

Orwakataano 2023-02-24

Ebya NRM Nyamunura erikwebemberwa Ruhemba ogwejura ishe abarwani Generari Tibuhaburwa Kaguta Museveni, ebyayo tibingyenzirengye omu disiturikiti ya Serere bwanyima ya Oucor Philip kusingwa akaruru kakamutera ow'ishe butaka kandi ahutukugambira ebi, takinywa twiizi.

Emmanuel Omoding, bamurangirire nk'omusinguzi omukaruru akagarukirwemu kuterwa omu disiturikiti agyo kandi asingire n'obururu 15,000.

Omoding nimutabaani w'omugyenzi w'omuburizi Owekitinisa Patrick Okabe owafereire omuri butandu omukwezi kwa ikuminebiri omwaka ogututeire amabega ogwa 2022.

Alice Alaso owekibiina kya ANT atungire obururu 3,335. Alice Alaso abeire nashagikwa ekibiina kya purinsipo Owekitinisa Kyagulanyi Robert oubingi barikumanya nka Bobi Wine ekya NUP, konka ekyo tikizibiire Emmanuel kumutera enture. Eratu owa FDC atungire obururu 1,252.

Oucor owa NRM asingirwe n'obururu 13,206, kandi ogu n'omurundi gwa kabiri akusingwa akaruru aka. Omugyenzi Patrick, owabeire ayesimbireho nk'omuntu akamusinga omukaruru ka 2021.

Okusigwa kwa NRM, kuresireho ebigambo nyamwingi omu disiturikiti ya Serere na Uganda.

Bimwe ebisingyise ekiibina kya rwagisiriza n'okwebaganisamu kw'abembezi ba NRM omuri Serere na abahango omuri burigwa eizooba rya Uganda.

Omwe omubahagizi ba Emmanuel, omanyirwe nka John, atugizire ngu okusinga kwa Emmanuel nahabwebintu ebimwe ishe yakorire abantu ba Serere.

Abantu ba Serere nibagira ngu; ekibiina kya NRM, kikabeeba kandi enkiko z'ekigombe kya NRM, tibakizireba omuri Serere.

Tukarebaho kyeyamani wa NRM purezidenta Museveni Kaguta arikurondera akaruru kandideti wa NRM, kwonka ekyo tikizibire ekibina kya NRM kusingwa.

Ekindi ekiresire owa NRM yasingwa, n'amaani mingi kandi agatakugasha agorekirwe bamwe abokuhagira NRM. Ekyo, tikizibiire abantu ba Serere kwanga kuterera Emmanuel akaruru.

ANT erikwebemberwa owahumwire amahe Generari Gregory Mugisha Muntu, teyine munyeishengyero weena omu omwishengyero ry'eihanga erya 11. Amatsiko babaire bagateire omuri Alice Alaso kandi orikukwatanisa ebyekibina ekyo omwihanga konka amaizi agubabeire batekire baganabire butakeizire.

Nikwo bigyenzire biti:

Emmanuel (IND) Omoding 15,638

Oucor Philip NRM 13,206

Alaso Alice (ANT) 3,335

Ongaruco Martin (IND) 2,523

Eratu Emmanuel (FDC) 1,252

Omubaro gw'oburuuru obuteirwe kandi obutasisikaire ni 35,954.

Obururu obufiire ni 812.

Omubaro gw'oburuuru obubazirwe ni 36,766.

Obupapura obusisikariire kimwe ni 170.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)