Kagiira Skills Development Center, Agriculture With New SkillsAkaruru k’entebbe y’eminyeto omu disiturikiti ya Ibanda.
Omugyenzi Godfrey Mugisha owabaire ari ishenteko wakakiko keminyeo ya Ibanda disiturikiti
Nekya Agoweitu
1136
Orwakashatu 2023-03-01
Ibanda ni emwe omubyanga ebyagaruke kugira akaruru ka Eminyeto.
Eki nikiija ho bwanyima ya akakiko akakuru akakukurira eminyeto omwihanga kusharamu ngu habeho akaruru kwijuza emyanya aha kakiiko akeminyeto aka ekyanga nikyo kimwe ekitariho bajwekyerwa.
Nikijukwa ngu owabeire ari Ishenteko wa akakiiko k'ekyanga kya Ibanda, omugyenzi Mugisha Godfrey akaitwa ekirwiire kya Covid-19. Kuruga obwe okuhisya n'ahati ekyanga kya Ibanda kituura kitiine ishenteko w'eminyeto aha kakiiko k'ekyanga.
Akakiiko k'ekyanga kashemereire kuba nikaba kariho eminyeto 9 (mwenda) etereirwe akaruru. Kandi omunyeto ogurikutererwa akaruru gushemereire kuba gwiine emyaka etakurenga 30 (makumi ashatu).
Kurugirira aha baruha eya shohoziibwe omuhandiki omukuru ow’akakiiko k’eminyeto omwihanga, neyoreka ngu akakiiko k'ekyanga kya Ibanda nikaburaho abantu 3 (bashatu) kakabona kwijura.
Abantu abo ni;
1. Ishenteko w’akakiiko.
2. Omuhwezi wa Ishenteko hamwe na,
3. Omuhandiki wa ebya empwiiha.
Kurugirira aha baruha niyo emwe, neyoreka ngu akaruru ako nikaza kubaho eizooba ry'orwakaana ebiiro 2/03/2023 shaha 8 z’ihangwe aha kiteebe ekikuru ky'ekyanga kya Ibanda.
Egyo baruha n'eyongyera eyoreka ngu akaruru ako nikaza kuterwa kurugirira aha ngyenderwaho eri omu biragiro bya akakiiko ka eminyeto akaruru omwihanga 2003 enjingo ya 7(6) erikuha omuhandiki omukuru owa kakiiko akaruru ka eminyeto omwihanga kukurira kandi akashwijuma akaruru y'amara aka manyisa akakiiko akari ku kurira eby’obururu omwihanga ebyarugamu bikabona kuhamibwa. Kandi egyo ngingo n'ehabura ngu ako akaruru kaba nikateerwa bakaterere aha bupapura bw’ekihama abaingi akubarikweta aka ebokisi.
Omubaruha egyo eyasindikirwe ebiro 20/02/2023, ekaba neshaba abatezi bakaruru kumanyisibwa kandi eragiira ekyanga kutebekanisa empwiha ezirareete kandi zikagarurayo abateezi bakaruru abo.
Ebyo bikiri aho, abarikwenda kwetsimba bariyo nibarondesa akaruru amani. N'angwa n'abateezi bakaruru bakarinzire.
Otaruga aha mukutu gwa Agoweitu okafeerwa kumanya abetsimbire, abari enyima bakubaha obushagiki kandi na ebiraruge omukaruru aka.
Amakuru Omuka Yaawe
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)