Kagiira Skills Development Center, Agriculture With New SkillsTayayira aba Space Salon and Foot Spa, Ibanda.
Obuhereza aha Space Salon and Foot Spa
Nekya Agoweitu
677
Orwakabiri 2023-03-07
Iwe omukyara Karimari, beitu kantambwire enkito y'angye ekahwerera obwe ndikuronda ahibarikusiibira eishokye ery'omutindo konka byoona hakyo. Hahaha, eh, tiwakahurire omwanya ogw'omutindo omu tawuni ya Ibanda?
Omwanya nigumwe gwonka ogwa Space Salon Ibanda, Saruni y'omurembe erikushangwa aha kizimbe rw'iguga aha muhanda nyigendwa ahashungaine n'ekizimbe ekyabaire kirimu Crane Bank ningashi DFCU Bank.
Aba Space Salon and Foot Spa, nibakora amashokye aga burimuringo kandi abakozi baabo na ab'omutindo. Mukyara Desitatuta, n'omanya aba Space Salon, nibatega amashokye g'abashaija nikwe okimubugana omweta omu Furansa. Nibatega ishokye rya 'marine enkuru n'ento, nibatega 'French cut' obw'otebirwe n'ekiharata eky'omutindo ekirikurebeka nka eky'ishe abarwaani namba emwe origino NRA Generari Tibuhaburwa Kaguta Museveni Yoweri.
Nibasiiba eishokye rya duredizi kandi iwe omurasita, otaferwa kwangashana aha sitegi obw'orikukyanga omutwe nka Lucky Dube.
Beitu, nkakutebezaho Omuky. Desitatuta, obunabeire ndwiire omugongo n'amanyanya, ndikubinga ibanye aha kitanda?
Munywani wangye oubarikweta Misiteri, akandagirira aha Space Salon Ibanda, nikwo abaishiki bakantereza. N'omanya tibarakanikire omugongo gwonka, abaana bakanyiga entumbwe, emikono , amaguru, omutwe na n'engaro deru mahwe bantekaho ebintu ngu ni 'shikurabu.'
Nkutebezeki ndekeki, ibanye kunaretirwe omwirembo, ati; nkunzi y'angye rugayo, hoona kanoshusha ekinya kigwire omumate, nikwo y'ambakwire nkaza kusiimuka omukasheshe n'ashanga ibanye abumbatire nk'omwerere. Eky'okutangaza, nkaguma nimunyurura obundi akampika haihi nanye deru obundi nikwo nkatunga obutagatsi obunabeire mazire obwire bureingwa ndi ntakutunga.
Mbwenu iwe munywani wangye Desitatuta; otabinga baaro ahakitande ahabw'okuba aba Space Salon, bakwinire masagi y'omubiiri yaburikika kandi bahendera baati kukukoraho, nibakutaho amaizi garikwosya gye n'etahuro y'amushekye.
N'omanya embaga ya Maritazari eyabireho omwezi oguhwire? Omukazi we akaboneera y'akizaho muhara w'omugabe. Embaga kuyahwire nikwo kwegaranjura omumaka gabo, nti; tongambira ekiihama, ati; "humura, ekihama ni aba Space Salon Ibanda." Agumizamu antebeza ati; "nomanya obunabiire nidonda abarankore eishokye, bakanshara n'enono oteireho nokunsiiga 'mekepu'. Haza munywani wangye owabungyereza Nasikombi, niiwe y'andagirire aba Space Salon Ibanda.
Bantumwe abaana nibashara enono oshushana ngu 'vaniya karipa' niyo y'azishara. Nibasiiga kyuutekisi zaburirangi yoona obw'otebirwe na 'mekapu ey'omurembe.'
Aba Space Salon, Ibanda baine ebyoma by'omurembe okuruga Dubai kandi waba noyenda kushaara eishokye ninga kusiiba eishokye ryaburimuringo gwoona, beine ekyooma kya kopyuta ekyokunyigaho, nikwe ebiika by'amashokye bikashashana ahakyoma ekyo, buziima oketoraniramu omusono gwoona ogw'orikwenda.
Aba Space Salon and Foot Spa, Ibanda beine obuhereza bw'abaana boona, omwana waawe nibamuteega eishokye, n'owa nankogu amwegomba.
Nitujweka abagore abaami na abakyara. Nitutereza abeshongozi baburimuringo kandi nikwo yaaza aha kadara kweshongora abantu bebwa baguma nibamutangarira.
Mbwenu eky'orakore twikirire ahamwanya gweitu nikwo tukutereze.
Eh Eh, mukyara Karimari, mbiire ntakakimanyire ngu; twiine salon y'omutindo omuri Ibanda, mbwenu kangyende ngambire Ibanye antwareyo obundi nanye nkashushana niiwe kandi ninyiza kumugambira kuntwarayo n'amuk'Ibanyi deru tumutekyeregye obundi akatuzaramu abaana ba barongo, nanye banyete Nalongo ow'omutindo.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)