Kagiira Skills Development Center, Agriculture With New SkillsAkashonshorekye ka N'oremwa N'otaha aha Agoweitu
Rogo ya nooremwa notaaha
Nekya Agoweitu
629
Orwakashatu 2023-03-15
Omunyankore akacwa enfumu ngu eihano rihanuurwa orarirebire.
Mbwenu itwe aba Agoweitu twabaretera akashonshoreki ka n'oremwa n'otaha kandi n'amazima omwihanga ryaitu rya Uganda n'oremwa n'otaaha, kandi kwo n'otaaha oza kwombera obushaza.
Kambaze nkutebeze ahabwenki n'oremwa kandi okataaha.
Ijo nkaba ndiyo ndisize, nikwo kushanga omutsigazi embura kareju ariyo nahandika ebaruha y'arukundo obwo arikuhandiikira omurigirwa we, kuyandabire nikwo kugita omushaho akatandika kuntebeza ku offiisi y'engazi y'eihanga erikwebemberwa Owekitinisa Munonga Robinah Nabajja. Haza twena nitumanyagye ngu mukuru w'eihanga kabineti egi akagyeta ey'abajubi b'ebyenyanja. Mbwenu nk'ekyo ahabweki otakuremwa okataaha. Atyo nyamutsigazi agira ati; "amabaati ageibirwe nigaza kugabwa omuri Karamoja agamwe gakahahenderera omumaka ga ba minisita (the red pepper) kandi agandi bakagakwata nigaguzibwa abanyabuzaare ba minisita omwe, nikwo kikareta omuhondano nakahurikano omu Uganda, aha, omunyankore n'agira ngu, ritakarengire embeba tebaasa kuhema kaapa, nikwo ab'orupapura rwa the Red pepper kushohoza orukarara rwa ba minisita nabandi bakozi ba gavumenta abaatwire amaati, omuryabo engazi y'eihanga terabuziremu kandi hamwe na minisita owebyesente Owekitinisa Matia Kasaija. Kasaija n'agira ngu; amabaati akazakwimuka yagashanga omumbuga ye. Nondi owabaire yagashakaza aha kirugu kye ekyembuzi nikwo kugyenda buguru butakora hansi, akagashambura. Mbwenu weza ahabweki otakuremwa okataaha?
Okwo katurugyeyo, n'omanya kutubeire turyaho emikutu eya mugaita byaro nangashi eibingi barikumanya nka shosho mediya, ekijurirana ebigambo by'ebitingwa. Iwe n'omanya Mukama Ruhanga w'eiguru n'ensi akahwerekyereza Sodoma na gomora ahabweshonga nk'ezo ezebitingwa? Aha, nk'okunaba nabagambiire, ngu ritakarengire nanka tekahema nanka, omushomesa omwe omuri Jinja akakwatwa n'omukundwa we nikwo kubatwara kabura muriro. Nikwo Omunyishengyero wa Bugiri Munisiparite atatina mparana Owekitinisa Basalirwa owekigombe ekya JEEMA konka ekiine omukago na n'ekigombe ekya NUP ekirikwemberwa purinsipo 'ghetto gladiator " taata Kampala Solomon Iba wa Barbie Kandi Omweshongonzi Owekitinisa Kyagulanyi Robert oubingi barikumanya nka Bobi Wine, kuhebwa akahumuro omwishengyero rya Uganda kugyenda kubaga eiteka ry'okutangira Abanyauganda kurya ebitingwa. Bwanyima y'enshumi nkye, nikwo kurigarajura omumaisho g'eishengyero rya Uganda kurihajanaho, mbwenu otakuremwa okataaha, n'oijuka minisita Bahaati omubutware bwa Kadaga akareta eiteka niryo rimwe kandi namukuru w'eihanga Generari Tibuhaburwa Kaguta Museveni owagahumwire akaritekaho omukono nikwo kooti y'ekugarukamu ebiragiro ekarisharamu. Kare mbwenu katurinde tureebe.
Mbwenu nyowe naremirwe ndiyo nintaaha oweitu. Ntakutaaha ndizireki? Reeba ebya NSSF, by'eyongire kusisikara. Minisita omwe akashaba obuhumbi bwesente za Uganda 6 ngu n'ayenda kuyambaho ekitongore ekyo kwongyera kumanywa omwihanga. Owabaire nakikurira Robert nikwo kwanga kuzimuha, ori ati Nyantahurira akarya erishorye, nikwo minisita akanga kumwongyera endaagano y'okugumuzamu emirimoye nka mukuru w'ekitongore ekyo. Haza mutsigazi, n'oremwa n'otaaha. Iwe torikureba ebya NSSF nibireingwa?
Nangwa iwe nakurebire waremirwe kandi wataahire ahabweshonga nk'ezo.
Ngu minisita Persis Namuganza nakishutama omwishengyero rya Uganda omuntebe ez'omumaisho eza ba minisita ezibarikushutamamu.
Nanye, kambe narekyeraho, ahabwokuba n'aremwa kandi nataaha oweitu.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)