Praise ahangwire ekirunga ky'oburungi bwa Ibanda University

Owarimpa Praise omurungi wa Ibanda University 2023/2024
Nekya Agoweitu
962

Orwakashatu 2023-03-15

Eizooba ry'orwakaatano abeegi ba Ibanda University bakasiiba nibetebekanisiza okuronda omurungi wa University 2023/2024, kandi omumwebazyo, batyo bayeteranira aha Club Dungeon erikushangwa aha ruguto rwa Bufunda.

Empagare eibiri nizo zahayahayaniire empaka ezi kandi omwishiki Praise Owarimpa niwe yasingire, akajwaara ekirunga eki.

Abaramuzi b'empaka bashatu nibo baronzire omurungi wa Ibanda University, kandi Jennifer owa Kazo FM, niwe yabaire nakurira abaramwire empaka ezo kandi niwe yatuheire ebyarungire omukuhayahayana.

Oscar owa Oscar promotions kandi ori mukuru w'abeegi b'eitendekyero erya Ibanda University akasiima abeegi ba Ibanda University, okwija omubwingi kushagika omukoro ogwo, kandi y'ayongyera yagira ngu; aba Oscar promotions beineyo omworeko ogundi omukwezi kwa kataano omwaka ogu.

Liberty orikureberera abaana nangashi 'dean of students ' nawe akahaisa omukoro ekitinisa kandi yayigura empaka omubutongore.

Omungyenyi mukuru Gilbert Mukama kuruga omu gurupu ya Ibanda Community Development Group (ICDG) akeetwa kujweka ekirunga omurungi wa Ibanda University, 2023/2024 kandi omwoga ogwo akagukoragye kandi ekigombe kya Ibanda ICDG kikaba kiteiremu sente kurabira omuri banywani bakyo kandi akagira ngu; ICDG n'ekigombe ekirikukuza entaranta kandi kikushagika eby'etunguka omubyanga bya Ibanda.

Omutandiki wa Kanuzire Pork Joint omuri Kitwe Ibanda Owekitinisa Bright, naawe akahaisa omukoro ekitinisa kandi naawe akagabira ebirabo abahanguzi.

Aba Space Salon Ibanda naabo bakashagika omukoro nigwo gumwe kandi bagira ngu nibeija kuhereza omuhanguzi obuhereza bwabusha aha Saruni yaabo erikushangwa omururembo Ibanda.

Ba kintunzi ba Movit erikukora amajuta omuri Uganda naabo bakaba baruho, kandi bakahayo amajuta omu Saruni eyabeire n'ereberera omurungi wa Ibanda Ibanda University owa 2023/2024.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)