Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Ekyeshongoro ky'eizooba na Mary Prossy Birungi Tusiime


Omweshengozi webyeshongoro byediini Mary Prossy Birungi Tusiime
Nekya Agoweitu
1038

Orwakana 2023-03-16

Mary Prossy Birungi Tusiime now'emyaka 38, ashweirwe Omwami Tusiime Godwin kandi beine abaana 4 (aboojo2 n'abaishiki 2).

Akazarirwa omuri Nyakishenyi-Rukungiri. Ayine obwegyese omubyobushaho n'okujanjaba abantu kwonka obwahati obwire bwona n'omukazi w'ahaka.

Mary n'omweshongozi webyeshongoro by'ediini kandi obwahati ayiine ebyeshongoro bikurenga 10. N'obasa kumushanga aha Facebook nangashi you tube. Ebyeshongoro ebyakweshongora nibiretera omuntu yayijura Mutiima Orikwera kandi amagara gogwo muntu gatunga obusingye kandi gahumurizibwa.

Ekyeshongoro

Ebigambo by'ekyeshongoro kya "EBENEZER"

Ekigarikwamu

Ebenezer, Ebenezer kuruga buri n'erizooba Ruhanga nakituhweera x2.

Ebiwandabizemu omu bwaana timbigamba ngu mbimareyo, okampisya n'omukunyeeta bigumire wandabyamu, reeba hati nkuzire amaka ogampeire, na ruzaaro n'obusingye mazima Yesu orimurungi.

(Ekigarikwamu)

Neiwe muntuwe heine ahu Ruhanga akwiihire, ah'akurabize hatarikushwana nahangye ninyenda otekatekeyo haza oheijuke oteere engaro zaawe mazima osiime Ruhanga.

(Ekigarikwamu).

Ekicweka ky'ekigarikwamu

Eee eeh mazima kihikire kusiima Ruhanga x2.

Okaba oribatisa ebigyere n'enkeito otaziine, hati nohinduraho mazima siima Ruhanga.

(Ekicweka ky'ekigarikwamu)

Okaba oteine hokuhinga, nohinga owabandi hati oine na za faamu, teera engaro osiime Ruhanga.

(Ekicweka ky'ekigarikwamu)

Okaba oraara ahabinyasi neinga aha mukyeeka hati oine mazongoto ezo n'embabazi za Mukama.

(Ekicweka ky'ekigarikwamu)

Okwaawe okweega kukarema ahabw'okubura sikuuru fiizi abaana baawe bashomire naza degree bazijwaara.

(Ekicweka ky'ekigarikwamu)

Okaba oine akaju k'ebinyasi hati oine Ssembuule, Vasatailo n'amategura guruka osiime Ruhanga.

(Ekicweka ky'ekigarikwamu)

Okaba oteine bijwaaro notiiza owabandi hati neiwe nobigaba ekitinisa nekya Mukama.

(Ekicweka ky'ekigarikwamu)

Kuwabeire oza omubantu bakushakyerera ngu oryomwooro hati Yesu akuheire ebintu abashekire batangaara.

(Ekicweka ky'ekigarikwamu)

Okaba notambuza ebigyere oteine n'akagaari, Yesu akuheire za motoka nohindura aha namba.

(Ekicweka ky'ekigarikwamu)x2.

Ahamuheru.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)