Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Aba "People power" omuri Ibanda!*



Nekya
279

Orwakashatu 2020-03-11

*Aba "People power" omuri Ibanda!* Baitu obwo turiyo nitwetebekanisiza okwetaba omukaruuru k'okuronda mukuru w'eihanga omu gwa 2021, obwahati ebibiina bitari bimwe na bimwe byabasize kuba nibiherezayo abantu batari bamwe nabamwe abarabaase kuba nibetsimbaho aha tiketi z'ebibiina byaabo obwo barikuriitanira entebe y'obwa mukuru w'eihanga. Baitu obwahati, ensinganto kandi erikwenda obwa mukuru w'eihanga Robert Kyaguranyi Ssentamu owu baingi barikumanya nka Bobi wine we yaherize kuba nataho enkambi nyiingi munonga omu myaanya mingi omuri burengyerw'eizooba. Emyaanya erimu nka Fortportal, Bushenyi, Mbarara baherize kuba nibatunga abajwekyerwa (coordinators) b'ekibiina. Esande emwe eyituteire amabega enkambi zitari zimwe na zimwe zirebirweho omururembo orukuru nyakubonera orwa Ibanda hamwe n'omubyaaro bitari bimwe na bimwe nka Kanyansheko , Kashangura hamwe na Kiijongo. Baitu nikigambwa ngu aba bantu nibagyenda nibahandiika abantu na munonga eminyeeto kutandikira aha myaaka 18 n'okugaruka ahaiguru. Ahuturikugambira, nikigambwa ngu baaherize kuba nibahandiika eminyeeto erikurenga enkumi eibiri (2000) kuruga omu disturikiti ya Kamwengye, Ibanda, Kitagwenda hamwe na Kazo . Kandi nikigambwa ngu ofiisi za *people power* eziraabe nizibahweera eza disturikiti baherize kuba nibazitongonza omururembo orukuru orw'ibanda. Baitu ag'owaitu tubaasize kuba nitugambaho na bamwe aha bantu abaherize kuba nibarondwa kukurira emirimo ya people power omuri Ibanda, bagumize ngu Ibanda obwahati, baaherize kuba nibagikwaata ebicweeka 78 ahari 100, nangwa ngu nebaija kuraara bagikwaata ebicweeka 90% nikwo babaase kuba nibasinga akaruuru k'obwa mukuru w'eihanga. Kandi bagumiizemu barikugira ngu mukuru wekigombe kyaabo Kyagulanyi Robert Ssentamu amanywa nka Bobi wine, naija kuraara yatayayira abantu ba Ibanda nka gumwe aha muringo gwokwebuuza aha bateezi b'akaruuru. Tugyerizeho kugambaho n'entumwa ya mukuru w'eihanga omuri Ibanda Eliasto Akatuheebwa, aha nshonga niyo emwe, omubigambo bye ogu abeire agumize ngu we tihaine ekyarikumanya ahari abantu abari omuri Ibanda abarikweyeta aba people power coordinatators! Neitwe Ag'owaitu nikwo kubaasa kukuhitsyaho amakuru nigo gamwe! *Huumura tuganiire*

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)