Kagiira Skills Development Center, Agriculture With New SkillsJames Kasirivu Da Grate atungire omurimo aha Rediyo yamani.
Omunyamakuru Kasirivu James Da Grate
Nekya Agoweitu
1798
Orwakabiri 2023-04-04
Ebiiro ebi turebire abanyamakuru beingi omuburengyero izooba rya Uganda, nibatunga emirimo ahaza rediyo zitarizimwe na zimwe nk'omunyamukuru Julius Katungye oubingi barikumanya nka KK The Best Omushaija Omuringwa owa yetungire omurimo aha Rediyo Endigyito FM 88.3FM, www.endigitofm.com kandi obwahati nahereza aha kashoshorokye ka The Big Show nabandi bahereza nka Shekamu na Alicia.
Ondijo munyamakuru ruranganwa ni Gilbert Karengye owarugire aha Rediyo Endigyito FM erikushangwa omururembo Mbarara akegita aha Rediyo Eiraka Rwenzori FM 89.7FM, www.rwenzorifm.com aha kashoshorokye ka Oriregye nabahereza abandi abarimu Moureen Baibe naawe owarugire aha Rediyo Endigyito FM na Alex Rwamwanja.
Mbwenu amakuru marungi nigoreka omunyamakuru kakongoriro, omukugu, omumanyi kandi ruranganwa James Kasirivu Da Grate kwatungire omurimo aha Rediyo ya Endigyito FM erikushangwa omururembo Mbarara kandi nakuba nahereza aha puroguramu ya WORLD EXPRESS kuruga shaaha 2:00pm - 5:00pm.
James Kasirivu Da Grate, eiraka rye ruhurirwe aha Rediyo Endigyito FM kurabira aha mikura yayo nk'ogwa 88.3FM na www.endigyitofm.com arikujumera kandi arikuhereza abahurikiza ba rediyo egyo.
Turebireho abahurikiza ba Endigyito FM bashemerirwe kandi basiima manegimenti ya Endigyito FM, kugaruza omushaija wa Allah, omushaija enkunzi yabantu James Kasirivu.
James Kasirivu kurabiira omupuroguramu ye, namanyisa abantu ebirikufa omunsi namunonga amakuru g'ensi za aheru.
Puroguramu ya WORLD EXPRESS, egiire omwanya gwa International Focus "the World is Watching" ebiire neherezibwa omuhereza kandi omunyamakuru Emmanuel Omuggalada Special Forces Netanyahu Neta ohindirwe kuhereza akashoshorokye k'orwongoto kuruga shaaha 6:00pm - 7:00pm.
Nimwijuka ngu; ebiiro 24/06/2020 agoweitu ekashohoza ikuru rikugamba ahakubigwa kwa James Kasirivu Da Grate aha Rediyo Endigyito FM bwanyima owabiire ari omunyishengyero owa Mbarara Municipality Michael Tusiime kumuhababira nikwo ekitongore ekirikukurira ebyempurizingana omu Uganda ekya Uganda Communication Commission (UCC) kuhandikira manegimenti ya Endigyito FM kumwemereza kandi buziima bakamwemereza.
Bwanyima y'okwemerezibwa aha Rediyo Endigyito akegita aha Grace rediyo erikushangwa omururembo Mbarara kuhereza aha puroguramu ya WORLD EXPRESS. Shoma James Kasirivu y'agaruka aha Grace rediyo"
Kasirivu ayiine obukugu bukurenga emyaka 20 omukuhereza ahaza rediyo Kandi emperezaye netana neyabanyamakuru abandi ahabwa ebirungo ebyakuteka omu puroguramu ye obwo akukundisa abahurikiza.
Kingi, James, turebire nakwatwa gavumenta Kandi puroguramu ye neyemerezibwa ahashonga ezitakwetegyerezibwa. Konka omumbera ezo, atwire nasingura.
Itwe aba Agoweitu nitwendeza Kasirivu James Da Great obugwagye aha mbeeho za 88.3FM Kandi obusingye.
Kurabira aha kibanja ekya Facebook kuruga aha pegi ya Mbarara City, ogu y'ahandika n'agiira; "BREAKING NEWS. James Kasirivu the Great has today returned to Endigyito FM for his program "World Express" which he has hosted for over 20 years. He was chased from Endigyito radio in 2020 on orders of former Mbarara City MP, Hon. Micheal Tusiime accusing him of defamation. He has since been working on Grace Radio.
Ebiro ebyo ebya highschool i used to climb some trees at home in Ntungamo looking for Endigyito network so that i can listen to Omusomesa Kasirivu."
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)