Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Oburi bw'enguzi omukakiiko akarikugaba emirimo - Ibanda*



Nekya
349

Orwakashatu 2020-03-11

*Oburi bw'enguzi omukakiiko akarikugaba emirimo - Ibanda* Nk'oku abanyankore bagira ngu ogamba akabi tiwe aba akaretsire, obwahati abantu barikuhingura enkumi eibiri, ebyaara babiteire omunyindo bwanyima y'okuhurira ebirango hamwe n'amakuru kurabira aha mitimbagano etari emwe n'emwe obwo disturikiti ya Ibandan erikuranga ku erikwenda abakozi kukora emirimo etari emwe n'emwe. Nikigambwa ngu abantu barikuhingura enkumi eibiri kuruga omu nshonda zitari kushushana bakareebukaho aha ofiisi y'akakiiko akaheereza emirimo aha disturikiti n'ebihandiiko by'obwegyese bwabo.Nikigambwa ngu bakahereeruka okuhandiika abantu nibo bamwe ebiro eikumi na mukaaga okwezi kwokubaanza (16/01/2020), ngu baitu na hati, tibakamanyaga, obubarabuziibwe/obubarashwijumwe(intervies). Ebyo bikiri bityo, abarikugashomera omu bahaasa bo barugireyo baagashohoza ngu abakozi b'akakiiko akarikuheereza emirimo aha disturikiti tibaratungire emishaara yaabo omubwire, enshonga erikutuma nibakora nk'okubarikwenda, ngu kandi na hati, bamwe aha bakozi, tibakahairwe emishaara yaabo ey'ameezi abiri agututeire amabega. Abashaki baitu, babaasize kugambaho na bamwe aha bantu abashangirwe aha ofiisi egaba emirimo aha disiturikiti, erikushangwa aha ishaza aha nguuto nyeigyendwa mbarara-kamwengwe, nikwo abantu abo kushoborora ku baherize ameezi abiri n'ecicweeka, barikwija aha ofiisi niyo emwe kureeba kuhaakuba hariho ekihandiiko ekyahanikirwe aha notisiboodi kirikworeka abantu abetsirwe kushwijumwa yaaba nibabaasa nari baine ebirikwetaagwa kukora emyoga eyarangirwe. Omubigambo byabo, babaire baine amaganya n'obusaasi, bagumize ngu nibakoresa turansipoota kuruga omumyanya eibarikuturamu , kwija aho, kureeba ekirikugyenda omumaisho, oteebirwe na eyatayimu kandi obwo bataine burugo/bwiho bwa sente. Bamwe bagizire ngu obwahati, akasente akubabaire baine kahwaireho omunshonga niyo emwe, hati nibagyendesa ebigyere kwija aha ofiisi niyo emwe. Baitu, Omukazi omwe aha bantu abo, otenzire kwaturwa amaziina, atugambaire ngu n'obubariyo nibeija aha ofiisi, hariho bamwe obwahati abaatungire amabaruha garikubaragirira emyooga eyi baraakore, ngu kwonka tibarikumanya, obu abantu abo baakozire *interviews*, obubayeitsirwe nari obubahanikwa aha notisiboodi. Agumiuzemu yagira ngu nihabaasa kuba harimu oburi bwenguzi omu disturikiti. Tugyerizeho kugambaho n'orikukurira akakiiko niko kamwe, baitu amasimu gye gabaire gatariho. *Huumura Tuganiire

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)