Kagiira Skills Development Center, Agriculture With New SkillsAbantu mukaaga nibenda eya Ibanda eyamashuuma
Abantu abakwenda entebe yomunyishengyero eyamashuuma Ibanda
Nekya WhatsApp na Facebook
981
Saande 2024-08-25
Bwanyima y'okucoodoza okukozirwe kuruga aha mbuga zeitu za Agoweitu omuri Ibanda, nigoreka amakuru marungi ahabwa abantu ba Ibanda eyamashuuma.
Obwahati abantu mukaaga nibenda kuhayanira entebe yomunyishengyero eya Ibanda eyamashuuma, omumwaka gwa 2025 na 2026.
NRM netekateka kutebekanisa obururu bwekibiina omugwa 2025 kandi okurugirira ahakintongore ekyebyobururu, ekirikwebemberwa omuramuzi Byabakama, akaruru kabona omu Uganda nikija kubaho 2026 kandi okuronda obururu nikwija kutandika 2025.
Aba nibo abantu mukaaga aborekire ekitakateko kyokuhayanira entebe yomunyishengyero wa Ibanda eya mashuuma;
Karisa Emmanuel;
Ogu nowekibiina kya National Unity Platform (NUP) ekirikwebemberwa Hon. Robert Kyagolanyi Ssentamu oubingi bakumanya nka Bobi Wine. Karisa nayenda kuhangaho amaziima n'oburinganiza omu mashuuma ga Ibanda, kandi nahiiga eminyeto kwejumbira omubyobutegyeki omuri Ibanda.
Hon. Dr. Nikusiima JohnPaul Panadol;
Ogu najwekyera Ibanda eyamashuuma omwishengyero rya Uganda rya 11. Omumwaka gwa 2020, omukaruru kekibina kya NRM akasinga owabiire ari minisita wa Karamoja Hon. Eng. John Byabagambi nikwo akagumizamu akasinga akaruru ka boona omugwa 2021.
Panadol, namanywa nk'omuntu akuhagiira ebyediini, ebyobwegyese, amagara na nokubinga obworo omubantu.
Nakiira kutekaho ekugana zokuragurira abantu amaino, kwombeka amaramizo kandi nokuyamba amashomero nyamwingi. Nakunda ebyemizano.
Omumwaka gwa 2023, nikijukwa kuba niiwe yatiremu esente nyingi omutiimu ya Ibanda obwo erikuzana omuza Ankole Tournament.
Hon. Eng. John Byabagambi;
Akebembera Ibanda eyamashuuma kuruga omumwaka gwa 2001 bwanyima yowabire ari omunyishengyero wa Ibanda eyamashuuma omugyenzi Deo Rwabiita kurekura entebe egyo nikwo akebembera mpaka 2021. Nikimanyisa ngu akebembera emyaaka 20.
Eng. John Byabagambi, akasingwa akaruru kekibiina kya NRM omumwaka gwa 2020, obwo arikusingwa Hon. John Paul.
Obwahati ariyo nakora emirimoye kandi nomwe akuhagiira ebyetunguka omuri Ibanda eyamashuuma. Nakiira kuhabura abantu okuhinga omwani kandi narondera obuyambi amashomero ga Ibanda kurabira omubanywani be kuruga Japan, China na nebicweka ebindi.
Eng. John Byabagambi akabaho minisita wa piida nanga owebyeguto omu Uganda nikwo mukuru weihanga purezidenta Kaguta Museveni omugwa 2016 akamuta Karamoja nka minisita waho.
Nomuntu akukunda amaziima na noburinganiza.
Nalongo Akampurira Suzan Soter;
Suzan niiwe omukyara wenka owayorekire ekitakateko kyokwesimba ahatebe egi omumwaka gwa 2025 omukaruru kekibina kya NRM. Nomukazi omwekambi kandi obwahati ariyo nakora emirimoye nokuronda obushagiki omubatenzi bakaruru omuri Ibanda eyamashuuma.
Nakunda ebyemizano na nobwegyese.
Mugisha Paulas Karekyezi;
Ogu naraza Hon. John Paul Panadol ya Ibanda atabyamire ahabwa amaani mingi agayorekire omubantu.
Akashoma ebyebiragiro kandi nomwe omubantu abasingireyo kuhagiira emizano omuri Ibanda. Ayambire abakazi omubyobushubuzi. Nagiira ngu nayenda kureta ebyetunguka omuri Ibanda eyamashuma nenkwatanisa yaboona.
Godwin Mpairwe;
Nomwegyesa wa kopyuta omwishomero rya Kiburara Girls Secondary School, omuri Ibanda. Nakunda eminyeto. Nkomwegyesa, nakunda ebyobwegyese.
Amakuru nigagira ngu nakiira kuretera abeegi ba purayimare na haya ab'Ibanda eyamashuuma ebigyezo kuruga Wakiso na Kampala obundi bakabikora basingagye kandi batunga obubonero burungi.
Nahagiira ebyemizano kandi nahiiga eminyeto kwejumbira omubyobutegyeki.
Obwahati NRM eyiine abantu bataano abakwenda entebe egi, omumwaka gwa 2025.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)