Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Ibanda - Omushaija otakamanyirwe maziina yatema omukazi omukono yaguchwaho.


Omukazi owatemwaho omukono omuri Ibanda.
Nekya WhatsApp na Facebook
3043

Saande 2024-08-25

Ahutugambira ebi, eihano ryagwerwa abantu abomukyanga kyomukyorora nfuuzi, omuri Bufunda Divijoni Ibanda Munisiparite, bwanyima y'omushaija ekwata buta kutemaho omukazi omukono gwa buryo akaguchwaho nikwo kwiruka akaburaho.

Omukazi atakamanyirwe maziina, obwahati bamutwara omwirwariro ahariyo natugiira obujanjabi kandi na porisi eriyo yatandika okucoodoza.

Agatakahamimwe nigagira ngu, omushaija yayeta empagare egi omurogi kweshemezamu nayo kandi nikwo kumuhereza esente eza rogi naneze eziyaba amushabiire ezirikwingana 50,000/=. Bwanyima y'omushaija kumurinda obwiire buringwa atakumurebaho, nikwo kwimuka omu kishengye kya roogi akabuza omuhereza wa roogi egyo omwishiki ahuyatora. Omuhereza wa roogi nikwo kumugambira ngu omwishiki yagyenda kandi nesente yagyenda nazo.

Omushaija otakamanyirwe maziina nekiniga kingi, nikwo kuronda omuhoro gwiine obwogi akatandika kuhiiga omwishiki nikwo kumushanga omukyorora nfuuzi haihi noruguto rwa Mpiira omuri Ibanda akamutemaho omukono akaguchwaho.

Obwahati abaturagye ba Ibanda bari omukutiina kwa amaani bwanyiima yekikorwa kyomushaija ogu.

Omu wiiki egi, omu disiturikiti ya Bukomasimbi, omushaija nyiineka atemireho engaro z'omukaziwe yazicwaho. Bwanyima yabantube kumutwara nyamushaija omwirwariro Masaka, nikwo porisi kumukwata. Omukazi ou batemireho engaro nawe ari omwirwariro erikuru Masaka natunga obujanjabi.

Turiyo tutegyerize ekihandiko kuruga aha porisi ya Ibanda nanga omugambirizi wa porisi omukicweka kya Rwizi, Mbarara.

Agandi amakuru nigagira ngu, omukazi ogu atwire nakura omushaija atakamanyirwe maziina esenteze nyamwingi obwo arikumubiha kumuha ahamboozi yabakuru.

Abakazi abamwe abutwagambaho nabo bashaba abishiki na abakazi kwesasira esente za abashaija baba batakubakunda.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)