Kagiira Skills Development Center, Agriculture With New SkillsAbakazi bajwara busha omuri Kampala obwo nibarwanisa enshonga zobushomankuzi
Abakazi ababa batajwire ebijwaro abakyera kurwanisa obushomankunzi
Nekya X
1867
Orwokubanza 2024-09-02
Ebiiro 02/09/2024, omushaaha zakasheshe abakazi bashaatu bakyera aha ruguto rwa Parliamentary Avenue omururembo rukuru rwihanga obwo bakutambura niborekyerera ekitebe kya ishengyero ry'ihanga kutwara enshonga zaabo ezaba zirimu okushaba sipika wa ishengyero ry'ihanga kurekura emirimo ye nka sipika waryo kandi nokushaba ishengyero ry'ihanga kurekyeraho obushomankuzi nokukozesa kubi esente za abantu abokuha omushoro.
Eshonga endijo yaba erikushaba abebembezi kutera ekitanganzo omushonga ya abantu ba Kitezi omuri Wakiso disiturikiti abatirwe entumo ya kasasiro kandi abantu 34 nibo bafiire, amatungo gakahwerekyerera na amaju gabantu gakabundamirwa ebisasiro. Obwahati abantu ababingirwe kasasiro omuri Kitezi nibatura omumahema agahirweyo ofisi yenganzi yihanga na b'ekintogore ekya Red Cross.
Okurugirira aha rupapura rwa The Daily Monitor orwa mugaita byaro www.monitor.com, abakazi aba bakwata batakahikire aha ishengyero ry'ihanga nikwo kubateka aha motoka ya porisi.
Abakazi abakwata ni Norah Kobusingye, Praise Opoloje na Kemitoma Kyenzibo.
Aba batwarwa omumaisho gomuramuzi Omw. Ronald Kayiizi owa kooti ya Buganda Rd omuri Kampala nikwo kubasindika aha rimanda omukihome Luzira kuhisya ebiiro 12/09/2024 aha mishango yokuba ebitagasha nka egyenderwaho yeihanga erikushoborora omu ngongyi 148 (1) eya peno kodi akiti.
Omuramuzi Omw. Kayizi tiyabikiriza okwemererwa ahabwokuba niiwe muramuzi wenka owaba ari ahicweero ry'ebanza ya Buganda Rd kandi ngu abaramuzi abandi bagiire aha kubangurwa kwe enaku ibiiri.
Purida wabakomwa, Paul Wasswa yashaba omuramuzi kuhurira okwemererwa kwa abantu be omubwiire bukye obwo ariyo natebakanisa ebihandiko bya abantu be obundi bakarekurwa aha kooti beyiru.
Omuhababi wa gavumenta ya Uganda Omw. Ivan Kyazze yagambira kooti ngu; okucoodoza aha shonga za abarwanirizi beshonga zobushomankunzi abakwata zahwiire .
Abakazi ababa batajwire oburenga bwa amabere, kandi batiine ebijwaro byokusweka emibiri yabo, baba bakwasiire ebipapura beine embendera z'ihanga rya Uganda, bakwatwa abaporisikazi abayoreka amaani mingi obwo barikukwatwa.
Omwe aba porisikazi yarebwaho akwasire kandi anyigire ibondo ryomukazi owaba narwanirira eshonga z'obushomankunzi kandi eki kyaretaho ebigambo bingi omu bantu abashaba aba porisi kukwatagye abantu abokurwanirira obugabe bwa abantu beshonga zobushomankunzi omwihanga rya Uganda.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)