Kagiira Skills Development Center, Agriculture With New SkillsOmuntu wa abantu Donah Kabz
Donah Kabz
Nekya Agoweitu
955
Orwakataano 2024-10-11
Omukashoshorekye aka manya omuntu wawe, eryanyakazooba twakuretera omwishiki omukozi kandi omwekambi obubarikumanya nka Donah Kabz omunyamakuru ruranganwa omururembo Mbarara.
Omunyamakuru weitu atungire akiire kokuganiira naawe kumanya ebimukwasireho kandi nibyebi;
Agoweitu; Eizina ryawe?
D: Ninye Dona Kabz
Agoweitu; Owanyu ninkahi?
D: Oweitu ni Rwanyangwe, Kashongi omu disiturikiti ya Kiruhura.
Agoweitu; Nokora murimoki?
D: uh, ndi omunyamakuru aha rediyo Endigyito 88.3FM, erikushangwa omururembo Mbarara omu puroguramu eya Big Show kandi ngaruka nkoora na Sky TV nka purizenta.
Agoweitu; Okazarwa ryari?
D; nkazarwa ebiiro 23/09/1999, obwahati mperize kuhisya emyaka yangye y'obuto 25 kandi ninsiima Ruhanga ahabwa emyaka yangye egi. Nomanya tikyorobi.
Agoweitu; nokunda kukoraki omubwire bwawe bwobusingye nanga waba otari aha murimo?
D: nikunda kureba sinema , kureba amakuru aha za Tiivi, okuganiira nabanywani bangye kandi nokufayo kumanya ebikugyenda omumisho omunsi yeitu.
Agoweitu;nokunda kurya byokuryaki?
D: nikunda kurya ekitokye na omukyeri. Emboga nikunda enyama, ebinyebwa otiireho eswiga na dodo.
Bwanyima yokurya nikunda ebijuma nka wota meroni, enanansi, emicwigwa na nomuyembe. Ebyokurya na nebijuma byekika eki bidentire okukuma omutindo gwangye murungi kandi nokurebekagye.
Agoweitu;beitu watungireyo omushaija wokutekyera akokurya?
D; ekyo nituzakukiganiraho obwiire obundi.
Agoweitu; tukuhendera, nibigamboki ebyoyiinire eminyeto nomwana womwishiki?
D; ninyenda kureba eminyeto erikuhangura, ekutunga obusingunzi, kandi bakwejumbira omubyobutegyeki nobwebembezi obundi batunga omugisha, kuba nibahangaho emirimo bakekozesa.
Ekigambo kyangye aha mwana wobwishiki;
ninyenda kureba omwishiki atakwetiina kandi akwejumbira omumirimo yoona eyakubasa kumutayiza esente nawe akebisaho.
Tikirungi kushanga omwishiki nashabiriza esente nebintu ebyakubasa kumubisaho.
Abishiki barekye kugaya nokutiina kukora emirimo, burikimwe omunsi omu nikibasika.
Agoweitu;Dona Kabz, webaare kutuha akiire kawe tukaganiira niiwe. Nitukwendeza ebirungi byonka kandi Ruhanga akukume.
D; Nanye nintwarwa omugisha ogu gwokusiima Agoweitu, kwija mukantayayira tukagiira ebitwaganiiraho.
Mwebaare kuhereza Ankole na Uganda kandi nokureta abantu bashoma amakuru agorunyankore.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)