Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Ruhuuta okuhuuta Amina akeshongora ekya Kasumba*



Nekya
377

Orwakana 2020-03-05

*Ruhuuta okuhuuta Amina akeshongora ekya Kasumba* Ahaa, ebya Allah, n'enumi nezaara! Okaba otariho, muhara w'omufumu andemeireho. Amina tikiramugwitsizegye, ahabw'okuba muhara w'omufumu akaba nayaka nk'ekimyatsyo kyaba kyaterwamu eizooba. Ntyo afande musigiramu ekihundu kyesente za Uganda. Afande ashemererwa bwanyima anyetera Amina muhara wa Imam. Eka ya'Ruhuuta eba efura buzima. Omukarimi kakye, nyongyera kushaba Amina kubanza yarya ahari ka pilawo (omucheeri ogutsiikire na n'obunyama) atyo ayanga, ati apaana. Buzimazima akagiramu okutiina ahabw'eshaaha ezinamazire nawe. Ago magingo, angira ati Tatenkuru owa Kitagwenda nakugwistibwa kubi. Agira ati nomanya buharabu, mbiire mazireyo obwire bwingyi munonga. Hati naaba ndetsire aha diramu obundi abanyabuzaare abo bakanshabira *duwa* nanye riziki (emigisha) engyendeho. Manisuru Ruhuuta, bimushobera, ateekateeka munonga nkomusheija omwe omuri getesiimaani, atuutuka weena, ahinduka ashushana okundi. Amina amubuuza ekiyaba, Ruhuuta ayekangamu. Ayebuzabuza, atyo amugira ati, nayebwa kutamu ka faani k'emotoka yangye. Arikukozesa orurimi orufutifuti, Ruhuuta agira Amina ati " I am sorry my dear" Onsasire munywani wangye. Nkutebezaki, ako kakaba kari akakodyo ka Ruhuuta obundi Amina akamugarukamu omuburungi. Atamukweitse ati mwikarire tugyende, Ruhuuta omukuvuga emotoka abugana munywani we omunyishengyerokazi omuri Nkore. Omunyishengyerokazi amuteeramu amataara ayemerera. Haza Omukazi omunyishengyero akaba aboneire munonga munonga. Amina agiramu okwerarikirira. Ogu mukyarakazi amugira ngu yaaba naruga omumaka g'obwa purezidenta Rwakitura, mbwenu ayinemu akasente, bagyende banywemu ka juici (akatunda) ahabwokuba bakaba bamazire obwire bwingyi batakurebana. Batyo bagyenda aha hoteri emwe y'amaani omuri Ibanda. Otarihwa amaani, Amina kuyahureire Manisuru nanywana abanyishegyero, okutiina yakwihamu ahabwokuba nawe akaba nayenda ahikye heihi n'abantu nkaabo ahabwokuba akaba nayenda kutunga omurimo omuri Kampala. Buharabu hakaba harihare kandi arikwenda kutuura heihi n'anyina. Aka juici bakanywa, nangwa n'ebyokurya barya. Hariho ekyeshongoro ekirikugira, *'buziima naarya kandi naanywa eby'ogwo Mujuni, amagara geija nashemererwa'*, buzima Amina akashemerwa Kandi yasiima Ruhuuta ahabw'emikago eyakozire America na Bungyereza. Amina kureeba ahashaaha ashanga bwizire, Kitagwenda atakizayo. Taba mubi ashaba Ruhuuta kwamutwara owa munywaniwe Sulaiti Kitwe omutauni

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)