Kagiira Skills Development Center, Agriculture With New SkillsBashaatu nimbenda entebe yo bwa meya omuri Ibanda munisiparite
Abokwenda eyobwa meya bwa Ibanda Munisiparite
Nekya Social media
141
Saande 2025-06-29
Ahutukugambira ebi, obururu omukiibina kya NRM ekyarwagisiriza ekirikwebemberwa omunyamahe owagahumwire generari Yoweri Tibuhaburwa Kaguta Museveni kandi mukuru w'eihanga rya Uganda kuruga omumwaka gwa 1986 mpaka nahati, niyo emyaaka ekurenga omuri 40.
Kurabira omukakiko ka NRM kobyobururu akokwebemberwa omunyabitabo Dr. Tanga Odoi, katebakanise okuronda abantu abarajwekyere NRM omukaruru akokwiza kuterwa 2026.
Itwe aba Agoweitu twakuretera abantu bashaatu abarikwenda kwesimba omukaruru kekiibina kya NRM ahabwomwanya gwa meya omururembo rwa Ibanda Munisiparite.
Abakwenda kwesimbaho nibaba;
1. Mwesigye Oubed Mabwana;
Omushaija ogu n'omushaija ekwata buta kandi aha kishushanikye ekya ehururu egi akozise ekigambo ekiri omurugyereza ekikumanywa nka 'new chapter' nangashi endagano enstya eya Ibanda Munisiparite. Oubed Mwesigye Mabwana n'omuntu wabantu kandi naruga omumuruka gwa Kyaruhanga omu gomborora ya Kagongo ekushangwa omuri Ibanda Munisiparite. Oubed n'omuntu ashomiregye kandi emishomeye eyahiguru akagimarira ahitendekyero erikuru erya Makerere omuri Kampala.
N'omwe omubandi bantu owatandikireho eishomero eryamani kandi eririkusingayo okukoragye omubyobwegyese omuri disiturikiti eya Ibanda na Uganda yoona, erikumanywa nka Citizens Secondary School.
Omukuganiira na Agoweitu, Mabwana atugizire ngu uhwe na batayibe kutandika eishomero eryo bakakikora okurwanisa obutamanya omuri Ibanda kandi nokuhwera abeegi ba Ibanda omubyemishomo nano kwimusya ebyobwegyese.
Nk'omuntu, nakunda ebyobwegyese. Ayongire yatugiira ngu nakukozesa amaani kureba Ibanda munisiparite yagumizamu nekoragye omubyobwegyese kandi nakutaho nagehe gona agomubuto kushakiira ebyombeko ebirungi ebya amashomero ga gavumenta omuri Ibanda kugiira baba nibashoma, bashomegye hataruho kwerarikirira ngu ebizimbe bya kubatera.
Mabwana akabaho karani wa Ishogoro Town Council kandi niiwe omwe owarisire entuguka yamani omuri tauni egyo. Atugizire ngu nayenda Ibanda munisiparite ebe ekibuga kyo'byobushubuzi omuri disiturikisi ezigyetorire.
Atugizire ngu, nakuha abashubuzi obwirebwe kandi abashagikye omubyesente kurabira omu programu za gavumenta na za banka eziri omuri Ibanda.
Ebindi ebyayorekyerire okukora abantu ba Ibanda Munisiparite harimu; okukora eguto nungi, okuhangahagaho obutaare, okwinegyeza ebyamagara gabantu nebinyamishwa, okukorengana na abanyandiini nikwo kukuza okwikiriza kwa abantu, okukora oguto nungi kandi nokureta ebitara aha mihanda ya Ibanda nikwo okubinga omwirima na enkozi zebibi.
Oubed nomukozi, omwekambi, ayiine amaka, omukazi na abaana.
Nakuda kuhereza Ruhanga atiine kushorora kwona.
Ahendire nashaba akaruru omu bantu ba Ibanda munisiparite kandi nashaba ngu mumushagikye abebemberere nderu Ibanda Munisiparite eranganwe hoona.
2. Louis Karyegira:
Ni nyampara wa abakozi, omujwekyerwa wa abakozi kandi omukozi omwekambi. Louis nakunda kukora kandi atugizire nakukozesa namaani nobwengye obu Ruhanga yamuhiire kwembera Ibanda Munisiparite atiine kajejena kona. Nkomuntu omwekambi natushaba ngu tumuze omumugongo, tumuronde atwembere.
Louis akashoma ebitabobye kandi ayiine diguri.
Karyegira nomushubuzi ruranganwa omutauni eya Ibanda kandi nashuburura omwizina rya Blue Wave Interior aharuguto nyigyendwa orwa Ibanda Mbarara. Nakunda ebyobwegyese kandi atandikireho amashomero ge ebyemikono omuri Ibanda ahu akwegyesa abaana nabandi bantu emirimo ya ebyomikono. Omu harimu okuhesha enyigi ze ebyoma byomurembe, okukora amatafari gomurembe, okuboneza enka yomuntu kandi ekahiduka ekarebekagye.
Atugizire ngu, eki akakikora kugira akwatireho mukuru weihanga omukutambuza engiiri yeminyeto eyokwejumbira omumirimo y'emikono.
Atugizire ngu yaba yatwiire entebe yobwa meya omuri Ibanda, nakugyezaho nagehe gona aturetere amashomero gokushomesa ebya emikono omuri Ibanda Munisiparite.
Louis Karyegira ayiine omukazi naabana. Natura omu muruka gwa Kyaruhanga omu gomborora ya Kagongo omuri Ibanda Munisiparite.
Ebindi ebyayorekyerire kukorera abantu ba Ibanda munisiparite;, harimu okwinegyeza ebyemizano kandi nomwe omunyamizano, nakunda kutera akapiira akebigyere. Natugiira ngu, omukwinegyeza ebyemizano, eminyeto nekujumbura entaranta zabo kandi tokamanya eryanyekyekara entasya yabo ekayeyongyeraho.
Ebya amagara neguto nawe nayenda okubitekamu amaani mingi.
Ahendire arikushaba abanyibanda kumushagika kandi akebembera kurungi.
3. Kanyomozi Johnson;
Ogu nomunyamahe owagahumwire kandi nomwe owarwanireho na mukuru w'eihanga Yoweri Kaguta Museveni omukishaka.
Natugira ngu akageita abahakyera ba NRA akiri omutsigazi muto kandi nikwo kwehangurirayo eiziina erya Kadogo. Obwahati niiwe isheteko wa egomborora eya Bisheshe erikushangwa omuri Ibanda Munisiparite. Yamara emyaka erikurenga omuri munaana nagyebembera. Omubugufu niiwe isheeneko ya kashaatu owokubanza kwebembera engoborora ya Bisheshe.
Kanyomozi akaherezaho munonga omu gomborora ya Ibanda etakabire munisiparite nka kasara.
Ogu natugiira ngu ayiine obukugu omubyobwebembezi kandi nebimwe ebyakorire abanyibanda nibirebwa na amaisho.
Kanyomozi nomushubuzi kandi ayiine ekitongore ekirikukuma abantu nebintu byabo ekibarikweta United Heroes ekirikushangwa omururembe Ibanda aharuguto rwa Jubilee. Ekitongore eki kiine amatagi kwetorora Uganda yoona kandi kikumiregye abantu nembintu byabo.
Natugiira ngu akatandikaho ekitongore eki, okuretaho obusingye omuri Ibanda kandi nokureba ebintu bya abantu byasigara bikumirwegye.
Nakugumizamu nehururu yokureta obusingye omukyanga kya Ibanda Munisiparite nebicweka ebigyetorire.
Kanyomozi n'omuntu akurwanirira obugabe bwa abantu. Ogu natugiira ngu nagyezaho kurebeka abantu batunga obugabe bwabo okurabira omu ngyederwaho ya eiganga kandi nakuguma narwaniira abanyibanda namunonga omushonga za ebya amaataka.
Ebintu ebimwe ebyakorire abantu ba Bisheshe, harimu okwobeka obutaare, okuhunduza amarwariro, okuha abantu ebyapa kandi nokubahiga kuhiinga nokubinga obworo omumaka gabo.
Nayenda kurwanisa enguzi omuri Ibanda Munisiparite kandi nokutaho enkora eyekyerezi omumirimo ya gavumenta.
Ahendire nawe arikushaba abantu ba Ibanda munisiparite kumushagika nokumuronda kubakwatiira ebendera.
Obwahati Ibanda Munisiparite neyebemberwa Owekitinisa Apollo Kibeherere kandi niiwe obandize kwebembera orurembo rwa Ibanda Munisiparite kuruga omumwaka gwa 2018.
Ibanda munisiparite ekahangwaho omumwaka gwa 2018 kandi eyiine amagombora ashaatu; Kagongo, Bufunda na Bisheshe.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)