Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Eminyeto ya NRM ekomirwe omuri Ibanda abandi birukire


Gurupu eya whatsapp eyigwirweho
Nekya Whatsapp
130

Orwakana 2025-07-03

Ahitukugambira ebi, disiturikiti ya Ibanda eri omumaziga bwanyima ye eminyeto ya NRM kukomwa omuri Ibanda kandi ekyobusasi egi eminyeto ekomirwe abantu abatakamanyirwe.

Agoweitu gatungire okumanyisibwa ngu akomiire eminyeto egi nagira okuburaho kwesente zeminyento omuri Ibanda disiturikiti nikyo kiresire eminyeto yigatirwa omukihome.

Omukugambaho nabamwe omushonga egi; nibagiira ngu eminyeto egi eriyo nejudiira omukihome ahabweshonga zebobutegyeki tishonga ze esente yeminyeto ahabwokuba nabandi nka abantu abiine oburema, abagurusi na abakyara bakatunga esente kubayamba kubahwera omubwiire obu obwa akaruru kandi esente zabo tizirimu rwanju rwona.

Agandi amakuru agatungirwe nigagiira ishenteko weminyeto wa NRM niwe akomirwe kandi eki kija kuretera ekiibina kya NRM ekya rwagisiriza okukora kubi omukaruru ake emminyeto omuri Ibanda disiturikiti.

Tutungire omugisha okugambaho nomwe omubahwezi ba isheteko we minyeto ya NRM omuri Ibanda kandi atugiizire ngu omuntuwe akomirwe kumara eshaaha ezikurenga anana na munana (48hrs) ezekiragiro.

Ayongire yabuza ngu okuhangira NRM na purezindanta Museveni gwaba guri omushango omuri Ibanda disiturikiti, bakigambeho nakyo kimanywe obundi abakomise eminyeto yabo bakagiira obusingye.

Ahitikugambira ebi, haruho omukutu ogwa omugita byaro ogwa whatsapp ogwayigurwaho abanyibanda kandi nabo abashobirwe, okugamba aha shonga yeminyeto ya Ibanda ekomirwe kandi eriyo nejundira omukihome bwanyima yokukomwa eshaha ezirengire 48. Ekiganiiro kyabo nikija kubaho erya nyakazoba 3/07/2025 aha mukutu gwa whatsapp.

Cliff owabiireho omwebembenzi weminyeto kandi akwenda kujwekyera omuruka gwa Kyaruhanga omuri Ibanda Munisiparite, natugiira ngu bagyerizeho okukora nagabo gona kureba eminyeto ya NRM yaruga omukihome konka byoona byaba ebyoya byanswa kandi ayongire yatugiira ngu nka eminyeto ya NRM omuri Ibanda beine okutiina kwa amaani abwokugiira ekibiina kya NUP kirara kyatwara entebe egi bwanyima yekikorwa eki kyokukoma eminyeto ya NRM omuri Ibanda.

Ogu tumurundi gwokubanza omuri Ibanda NRM ekusingwa akaruru nka aka bwanyima yobutikirizana omukiibina omumwaka gwa 2018, Ibamdaa obuyatung munisiparite.

Owekiibina kya UPC akatwarwa entebe yobwa kansara aha eya disiturikiti bwayima owabiire akwatiire embedera ya NRM Omw. Shadayida omugomborora eya Bisheshe erikushangwa omuri Ibanda Munisiparite kutaburwa ba memba bekiibina kya NRM nikwo owa UPC, Omw. Katakuri akatwara omwanya ogwo nikwo UPC ekaranganwa omuri Ibanda disiturikiti.

Eminyeto ye kibiina kya NRM omuri Ibanda etekire amaaju yashaba minisita weminyeto omuziire kandi Owekitinisa Baramu Barugahara kwiija akataha omushonga zabo kandi akiiha eminyeto egi omukihome, bayongyera batungira ngu nibenda kushaba minisita wa enshonga zomunda yehinga kwiija akayamba eminyeto ya Ibanda eriyo nejundira omukihome. Nibamanya genero Kahinda Otafiire nkomuntu woburiganiza kandi wamaziima.

Bayongyera bashaba bashaba AIGP Ulbaldo Bamunoba kwiija Ibanda kuyamba akatereza eshonga zeminyeto ya disiturikiti ya Ibanda.

Sande Rogers ogu naawe nomwe omubembezi beminyeto omuri Ibanda kandi niiwe sipika wa egomborora ya Ishongoro erikushangwa omumatemba ga Ibanda, ashabiire aba ekitebe kya NRM ekirikurirwa omuhandiki wakyo omukuru Owekitinisa Richard Tadog kwiija omuri Ibanda bakatereza eshonga za eminyeto ahabwokuba namanya ngu NRM egiira egyenderwaho nungi.

Ahitukugambira ebi, eminyeto omuri Ibanda teyine kihaburwa bwanyima ya abembezi babo boona kwiruka bakaburaho bwanyima yokubatinisiriza ngu nibija kurara babigatira omubihome.

Nikigambwa omwebembezi weminyeto ya munisiparite ya Ibanda, Kijuka Ivan obwahati akiruka omu disiturikiti ya Ibanda bwanyima yokutunga amakuru gokugira ngu nakukwatwa ahigatwirwe omukihome.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)