Kagiira Skills Development Center, Agriculture With New SkillsAbakyara bataano nibenda ebendera ya NRM omuri Ibanda.
Abakyara abesimbire kujwekyera Abakyara ba disiturikiti ya Ibanda
Nekya www.ugandadecides.net
182
Orwokubanza 2025-07-14
1. Jovrine Kyomukama Kaliisa; Abantu ba Ibanda na Uganda bakamwogyera eizina erya Mama PDM.
Jovrine akabaho omunyishengyerokazi wa Ibanda disiturikiti kuruga omumwaka gwa 2016 -2021.
Bwanyima ya akaruru ka 2021 okutamugyenderagye, mukuru wa eihanga Presidenta Yoweri Kaguta Tibuhaburwa Museveni akamuha omwanya omukitongore kya gavumenta ekirimanywa nka PDM nangashi Parish Development Model, nka omuyambi wa omushuganisa wemirimo omukitongore ekyo.
Kaliisa akoziregye emyoga eyamuhirwe mukuru wa ihanga omukitongore ekyo nikwo kwetungirayo eizina rya Mama PDM.
Kyomukama n'omuntu ashomiregye kandi nobwahati ayiine masitazi diguri.
Ashomire omumatendekyero ga hinguru omuri Bugyereza nangashi buraya.
Ayine obukungu omubyokwerinda kandi nomwe omubantu abokukunda obusingye.
Omubwirebwe nka memba wa parementi, akakoragye emirimoye nka egyenderwahwo ya ihanga nka okwekugamba.
Akajwekyeragye abakyara ba Ibanda arikugyenda omwishengyero rya ihanga nangashi parementi.
Akaba ayeteba omukuhinguza embarira ya ihanga nanagshi bageti.
Akaba agyezaho akuratira puroguramu za gavumenta omubyanga bya Ibanda.
Omubwirebwe nka omwebembezi, akagyezaho omukukwatiraho abakyara neminyeto ya Ibanda.
Akongyera yayinegyeza ebya amagara, obwengyese, entasya yomumaka nokuha hangaho emirimo.
Jovrine Kyomukama nakunda endini kandi natiina Ruhanga.
Omukugambaho na abogoweitu, atugizire omuri Ruhanga, burikimwe nikibasika kandi nanokumutiina niho amagyezi gatandikira.
Natugira ngu, omutamu egi, mwaheza kumushagika, nakukora namani kurebuka ngu puroguramu za gavumenta zoona zagyendagye.
2. Jane Bainamugisha; obwahati niwe omunyishengyerokazi wa Ibanda disiturikiti egi eya Ibanda.
Akatunga entebe egi omumwaka gwa 2021.
Jane nomunyishengyerokazi wa kashaatu kuruga Ibanda etunga disiturikiti omumwaka gwa 2006.
Jane nomukazi omwekambi kandi akukunda abantube.
Omwishengyero rya Ihanga nagamba, kandi ajwekyeragye abantu ba Ibanda.
Enyimaho nitwijuka arikurwanirira obugabe bwa abegyesa ba Uganda aba amashomo ga ati, akushaba gavumenta ebogyeze omushara.
Jane Beinomugisha omukurabiira omubanywanibe, akagurira abantu ba Ibanda ebikopo byokukozesa aha nfu n'omumabaga.
Nomukazi obiire natebakisagye ekiiro kya abakyara omu disiturikiti ya Ibanda ekizaguzibwaho burimwaka ebiiro munaana bya omwezi gwa kashaatu.
Omubwirebwe, Jane ayinegize ebyobwegyese, oburisa nobuhingi.
3. Arituha Caroline; ogu nomunyeto okujwekyera eminyeto ya abishiki aha disiturikiti ya Ibanda.
Akajwekyeraho eminyeto aha munisiparite ya Ibanda kandi obwahati niiwe omuhandiki wa obyobwegyese na nentura ya abantu aha disiturikiti niyo emwe.
Arituha nomukazi ashomiregye kandi naruga omumuruka gwa Kanyasheko omuri Kagongo divijoni, Ibanda munisiparite.
Natugiira ngu yaba yakwasire entebe egyo, nakugyezaho arwanirire obugabe bwa omwana wa omwojo kandi nokubinga enguzi omuri Ibanda namunonga aha disiturikiti.
Nashasha munonga kureba ngu omwana womwishiki nashoma konka ahabwa ibuura ryemirimo, yazakutunga omurimo, babanza bamushaba okurya ekijuma Ruhanga ekiyamuhire. Ngu akuza kumuha omurimo, namushaba empapuraze azimutwarire aha roogi. Ekyo atugizire yatunga omugisha nakukirwanisa akibingye omu Uganda.
Caroline, akashomagye, ayiine masitazi diguri kandi nakunda eminyeto munonga. Nomugambi murungi, kandi nomwe ahabantu abatakutiina bwisho.
4. Lydia Kapasika Kashoyoyo; empagare Lydia neruga omuri Katoma, Kagongo divijoni, Ibanda munisiparite. Ogu ashabiire abanyibanda kumuha obushagiki akajwekyera abakyara omwishengyero rya Ihanga.
Atugizire yamara ati kutunga entebe egi, nakuyamba abanyibanda kwetungura kandi barwanise obworo.
Kasyoyoyo nomwishiki akukunda abantu, obwegyese na nendini.
5. Aisha N.S. Muganda; akashoma ebya amateka kandi ni purinda.
Omubyobwegyese ninamba emwe.
Atworekire ku ayambire abanyibanda bingi kutunga okuhwerwaho omubyobwegyese namunonga omumatendekyero ga ahiguru.
Nomushomesa kandi nomuntu akukunda ebyetunguka.
Obuyabiire ari Kagongo divijoni nashaba akaruru akagiira nguhwe, nowa amaizi. Nakugyezaho kurebuka burika yatunga amaizi marungi kandi namunonga abakyara. Atugizire ngu amaizi nekintu kikuru omumaka geitu.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)