Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Gilbert Mukama Rutobo omuntu wa Abantu kandi oyesimbireho ahabwa meya Ibanda Munisiparite


Gilbert Mukama Rutobo akushaba obwa meya bwa Ibanda Munisiparite 2026-2031
Nekya Team Gilbert Mukama Rutobo for Mayor media team
257

Saande 2025-10-12

Ogu ayesimbireho ahabwa meya 2026-2031, obwa Ibanda Munisiparite nabandi ba kandideti bashaatu abarimu Kanyomozi Johnson owa NRM, Deusideti Mulinde, ayesimbireho nkomuntu na Anslem Ndikora owa PFF.

Gilbert n'omuntu wabantu kandi eby'obwebembezi nabimanya munonga kandi abikugukiremu.

Niwe omuntu owaretere Ibanda yatunguka kandi n'abantu abokukoreramu na n'okuturamu bashemererwa kandi batuguka hatiine ekibatiire ahamukono.

Nomuntu akutiina Ruhanga kandi nomwe akwenda abakazi na eminyeto ya munisiparite batuguka kandi baganyirwa omu puroguramu za gavumenta omuri Ibanda munisiparite.

Omurundi ogu nashaba abantu kumushagika hatarimu okubushabusha kwona kandi nabendeza ebirungi byonka.

Gilbert Mukama Rutobo akazarirwa omukyaro kya Saza, omumuruka gwa Kyaruhanga, omu divijoni ya Kagongo omuri Ibanda Munisiparite, Ibanda disiturikiti.

Akazarwa omumwaka gwa 1989. Bakamuzarira omwirwariro rya Ruhoko HC IV, omuri Ibanda obwo nazarwa omukyara Rutobo Mariet no mwami Rutobo Ssalongo, aba omukyaro kya Saza, omuri Ibanda.

Gilbert Mukama, akashomera omubiina bya ahansi atakegisire aha purayimare.

Akashomeraho Millano Kindergarten, Ibanda Town School, Rugarama Primary School, nikwo kuza Bubaare Primary School, akaherezayo ebigyezo bya PLE.

Ibanda Secondary School, ekamuha omwanya gwokushomerayo haya, nikwo akaherezayo ebigyezo bye bya UCE nikwo akazakushomera Nyamitanga aha St. Joseph's Vocational School, Mbarara. St. Joseph's akatungayo ebaruha ya UACE nikwo akeyongyerayo akaza kushoma aha kashozi Makerere University nikwo kumusidika Makerere University Business School (MUBS) Nakawa kushoma ebyobushubuzi na kopyuta.

Obwahati akugukire omubyobushubuzi na bya kopyuta bwanyima yokutunga ebaruhaye kuruga Makerere University.

Obwahati niwe yatandikireho kampuni ekushubura amahuri na enkoko omuri Ibanda nebicweka ebigyetorire nka Kitagwenda, Kazo, Mbarara, Buhweju, Kiruhura na Kamwenge. Egi kampuni etungire abantu emirimo kandi nokurisa enkoko kwayeyongyera omuri Ibanda.

Gilbert Mukama Rutobo, akakoreraho ekitongore kya Pepsi Uganda omuri Kyengera na Mbarara nikwo kuhumura akatandika okushubura amahuri na nishe Rutobo Ssalongo omuri Ibanda, Ksese, DR Congo na Rwanda nahati nigwo omurimo ogwakukora, omukitongore ekibarikweta "Mr. Eggs."

Gilbert Mukama n'omushaija akorire ebitongore ebitaribimwe na bimwe kandi omubitongore ebyo harimu ekya Infectious Diseases Research Collaboration (IDRC) ekyabaire nikikyondoza endwara nka sirimu nezindi ndwara nka puresha na shukari. Akakoraho nekitongore ekya Clinton Health Access Initiative (CHAI) nakyo ekyabaire nikihwera minisiture eyabyamagara, omukutumbura ebya amagara omwihanga. Akakora emyoga mihango eyaretire Uganda yayoyongyera kubonera omubya amagara.

Gilbert Mukama Rutobo arikushomera Makerere, omumwaka gwehe gwokubanza akageita ahishomero rya St. Andrews College, Ssanda nka omushomesa wa kopyuta kandi obukugu bwe bukamutwara kushomesa kopyuta omumashomera agandi agarimu Kitende SS, na Muza High School, omuri Luwero. Gilbert akahandika ekitabo kya kopyuta kandi akayambaho omukukyencura ebitabo bya Kopyuta ebya eihanga rya Rwanda.

Ebyobwebembezi;

Obwahati Gilbert Mukama nakurira ekigombe ekya Ibanda Community Development Group (ICDG), akebembera abegi ba Makerere University Business School (MUBS) nka minisita wa ebyobwegyese. Akebembera eminyeto ya Bubaare parishi kumara emyaka ikumi.

Kandi na kampuni nanga ebitongore ebiyakorire akaba nakora nka omwebembezi wa abakozi batahibe.

Gilbert Mukama emirimo ye akaba agikorera omubwire nahati nakunda kukora emirimoye omubwire.

Gilbert Mukama Rutobo akatunga amaka kandi ayiine omukazi na abana.

Gilbert nomuntu wabantu kandi nakunda ebyetunguka.

Abanyibanda, mwaba mwamuhire obururu okubembera, nakugyezaho kukora ebi;

1. Okukyendeza emishoro kandi nokuronda esente ezakubasa kutungura Ibanda. Emishoro eri ahabokusika za Chapati, chips, na za toninyira kandi n'ekyorora nfuzi neyiza kurugaho kandi nendijo ekyendezibwe. Omushoro gwa property tax, nituza kukuganiiraho na minisiture ya Local government na Ministry ya finance kurebuka yakyenderaho obwo turi kushaba abantu kwombeka amaaju amasya. Eki nikiza kukyendeza esente zobupagisa kukyendera kandi nabashubuzi bongyere kukora.

2. Okwombeka obutare omuri Ibanda Munisiparite, kandi nokwongyera omutindo ahabutare oburi omuri Ibanda. Akatare ka ahishaaza Ibanda nikaza kuba nikakora burizoba kandi nikazakukorwa, ntekemu emifuregye ekutwara amaizi ag'enjura, ninza kutamu za taapu za paburiki kandi nebitara byokwaka ekiro. Kandi nemishoro nekukyendezibwa omu abakazi na neminyeto ekukorera omukatare ako. Nituza kukataho ekitimba kurebeka ngu ebintu bya abantu tibyabura. Akatare aka Ibanda Central Market, nituza kukombeka turi kukoresa esente za USIMID kandi tukatekye aha mutindo gwa ensi yoona.

Akatare aka Nyabuhikye nikaza kukora emirundi ebiiri omu wiiki kandi ninza kutekaho ekicweka kyokugurizaho ebyamatungo kugiira abarisa ba Ibanda babasa kureta amatungo gabo bagagurizeho.

3. Akatare aka Bigyera nako ninza kukatungura kandi ntekemu ebitara kugiira abashubuzi bweyogyere amaani namunonga eshaaha za akasheshe na nekiiro.

4. Nizakugyezaho kuhangahagaho obutare obwebitokye buri muri divijoni kandi eki nikiza kuretaho etunguka ya buri divijoni nokuhangaho emirimo.

5. Ninza kugyezaho kushaba gavumenta kutuha esente za USIMID twombekye obutaare kandi nokuboneza enguto zeitu za Ibanda munisiparite, tutungye za pakingi zomurembe kandi naza takisi paka.

6. Ninza kukwatangana na minisiture eya amagara omukutungura amarwariro ga gavumenta omuri Ibanda Munisiparite.

Ruhoko HC IV ninzakushaba kugiteka aha rurengo rwa Irwariro kandi twongyeremu obuhereza na abashaho.

Nsansi na Kashangura ninza kushaba minisiture eyabyamagara ezitekye arurengo rwa HC III kandi Ibanda Municipal Health III egiteke aharurengo rwa HC IV. Ekyo nikiba nikimanyisa ebyobuhereza omubyamagara nibiba byayeyongyera okubagye.

7. Ebyobwegyese; nakushaba gavumenta kuha eitaka Ibanda Municipality kwombekaho Vocational na technical school nanga eishomero rye emikono. Eki nikizakuretaraho abaana nanga abegi beitu kushoma kandi bakatunga emirimo. Nakwogyera kwombeka ebizimbe ebyomutindo omumashomera ga Munisiparite.

8. Ebyaro byoona ebitiine amashanyarazi omuri Ibanda Munisiparite nibiza kugatunga kurabira omunkora eya Rural Electrification Program (REP)

9. Ebitongore bya abakyara na eminyeto nakwogyeramu esente kuruga omu mishoro ya Munisiparite eyerikushoroza kandi nobuyambi kuruga omu gavumenta.

10. Ebya amaizi marungi nakubikoraho arikukwatagana nebitongore ebya amaizi nka ekya National Water National Sewerage Corporation (NWSC) na minisiture eya ebya amaizi.

11. Ebyoburambuzi nakubitamu amaani kandi nakugyezaho kuranga Ibanda ema ywe omubyoburambuzi.

12. Naza kwombeka ebishayi bya ebyemizano kutungura engabirano za abaana abokukunda ebya emizano.

13. Nakugyezaho kwinegyeza ebyobuhangwa kandi nokubyara emiti okutangira emyegyemure erikuteganisa abantu ba Ibanda munisiparite namunonga omuri Bufunda Divijoni.

14. Abantu ba Katoma abokuhonda amabaare nakubarondera obuyambi kandi abegyese nk'okubakurinda obutonde obwo bakuhonda nokutimba amabare.

15. Nakugyezaho kutungura emihanda eyabyaro kandi emihanda yona erikuza omumashomero na amaramizo nakugitaho maramu enungi kandi endijo agitere korasi.

Nibingi ebyayorekyerire kukorera abanyibanda.

Nashaba omuhagizi nano obushagiki bwanyu.

Gilbert Mukama Rutobo ayesimbire nka omuntu buntu kandi akabonero ni nayikondo. Kandi nomuntu wa PLU ekukurirwa Gen. Muhozi Keinerugaba (Gen. MK)

Mwebaare!

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)