Kagiira Skills Development Center, Agriculture With New SkillsAbany'ibanda bamuhagamire, yaritanaka!!!*
Nekya
296
Saande 2020-03-01
*Abany'ibanda bamuhagamire, yaritanaka!!!* Enshumi nkye ehweire, tukareebaho aha mitimbagano y'amakuru etari emwe n'emwe nka za WhatsApp na Facebook, twareeba n'aha za Tiivi, nangwa twahurira n'aha ma reediyo ga Ibanda n'empapura z'amahurire, obwo byoona birikugamba aha muny'eishengyero owa Ibanda ey'amashuuma kandi ori minisita w'enshonga za karamoja, orikumanywa nka Eng. John Byabagambi. Aba bakaba bagumize ngu ogu, akeiba eitaka eryabeire riri ery'abany'ibanda, ogwabeire guri omwaanya gurikunagwamu kasasiro! Eki kikareetaho obuteikirizana, n'emitima mibi ahagati y'abebembezi b'ibanda abandi, n'abataka boona omu rurembo orwa Ibanda, ekyarugiremu na ba kansara ba Ibanda okutuura meeya wa Ibanda Apollo Kibeherere omu mbuga z'amateeka, ahabw'enshonga niyo emwe! Ogu mwaanya, ogurikugambwaho kuba gwabeire gwiibirwe, nigumanywa nka *"Nyin'edungu garbage dumping site"*. Eizooba ry'orwakabiri, abantu batari bamwe n'abamwe kurabira aha mitimbagano etari emwe n'emwe barebukireho beine amashemererwa agatari ga buriijo obwo bagumize ngu "kahangaare minista" "kahangaare John Byabagambi", bwanyima ya Byabagambi kugambira ahari reediyo emwe nangwa kandi akeikiriza ngu yarekura eitaka eribari kumugambaho ngu akeiba, ninga shi akaritunga omu buhenda biragiro. Baitu, arikuriherezayo omumikono y'abany'ibanda, Byabagambi agizire ngu namazima eitaka eriyaguzire, hariho eryabeire ryeibirwe owarimugurize! Ogu agizire ngu eitaka eriyaguzire niringana hiika inna(4has). Agumiizemu yagira ngu erindi erikwingana nka hiika emwe n'ekicweeka, nerya gavumenti kandi arigigaruriize! Ebi byoona bibeireho eziooba ry'orwakabiri, obu omunyamakuru kandi arikukora n'ekitongore kya reediyo emwe omuri Mbarara omanyirwe nka 'James Kasirivu" agambireho n'omunyeishengyero ogu kurabira aha simu ey'empagatiro! Ogu abeire ari omu puroguraamu erikumanywa nka *world express* Baitu omubigambo bye, Byabagambi abeire agumize ngu eitaka nawe akaritunga nk'oku abandi bagura amataka, agumize ngu akarigura aha mutuuze kandi obwahati omugyenzi Bagatagira! Nikigambwa ngu we akagura eitaka atarikumanya ngu rikeibwa, kwonka ebihandiiko kubishohweire, byayoreka ngu eitaka nerya gavumenti kandi tirikaguzibwaga! Baitu Ag'owaitu tugumiizemu twagambaho n'abamwe kandi abatuuze omuri Ibanda abarimu nka Joseph, ogu agizire ngu hakabaho okubagana, n'okwegaruriza amataka ga gavumenti ahagati y'abebembezi.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)