Lay Canon Jeeb Rwomushana arugiire omumagara g'ensi egi
Lay Canon Jeeb Rwomushana
Nekya Agoweitu
667
Orwakana 2026-10-22
Ebiiro 21/10/2026, kibiire ekiiro ky'obusaasi omuri Ibanda disiturikiti na n'eihanga ryoona bwanyima y'okutunga amakuru maabi g'okuhumura gwa mzee Lay Canon Jeeb Rwomushana.
Ekihandiko ekishohozibwe omuhandiki wa itendekyero rikuru erya Ibanda University, ekyaba nikibikira abeegi na abakozi ba Ibanda University, kyayoreka ngu okuziika nikuzakubaho ebiiro 24/10/2026, orwamukaga oru kutandika nashaaha eishaatu ez'akasheeshe (9:00am) aha Kishayi ky'omupiira ekya Ibanda University.
Akatambi akandi kayoreka ngu omugyenzi mzee Lay Canon Jeeb Rwomushana nakushabirwa omu kaniisa eya Bufunda na St. Paul Cathedral omu tauni eya Ibanda.
Lay Canon Jeeb Rwomushana nooha?
Agoweitu gagyezaho okutera tooki omumagara g'omugyenzi mzee Lay Canon Jeeb Rwomushana kandi ebi n'ebimwe ebimukwasireho;
Omugyenzi Lay Canon Jeeb Rwomushana, akazarwa ebiiro 05/03/1941 kandi yaruga omumagara g'ensi egi ayiine emyaaka 85 y'obukuru.
Jeeb Rwomushana n'omuntu obiire nakunda ebyobwegyese n'etunguka ya abantu omukyanga kye.
Lay Canon Rwomushana, akashomera omwishomero erya Mutuyera High School, Kitunga kandi bwanyiima akagarukayo nka mukuru wa ishomero eryo naga nka hedimasita.
Akashomeraho omwishomero erya Ntare Mbarara, Kakoba NTC na Makerere University.
Mzee Lay Canon Jeeb Rwomushana nabandi bantu bakatandikaho amashomero omu tauni eya Ibanda omuri Ibanda Munisiparite, Ibanda disiturikiti.
Omumashomero agubatandikire harimu ishomero erya sekondare erikumanywa nka Alliance Secondary School.
N'omwe abatandiikire itendekyero ry'emikono n'obwegyese bwa ahiguru erya Alliance Vocational School, Ibandi.
Lay Canon Jeeb nabandi ba Dayireketa nikwo kutandika na itendekyero erikuru erya Ibanda University, eryayigwirwehwo mukuru wa eihanga purezidenti Yoweri Kaguta Museveni Tibuhaburwa omumwaka gwa 2014.
Lay Canon Rwomushana n'omuntu owabaire namanya kweshongora kandi akeshongorora omu kwaya eya St. Paul COU akidikonare obwahati ni St. Paul Cathedral omutauni eya Ibanda.
N'omwe omubantu abatandikireho ekanisa eya Bufunda COU omuri Ibanda.
Mzee Lay, Canon Jeeb Rwomushana akaba ayiine omukazi we owarugiire omumagara g'ensi egi kandi owabirwe namanywa nka Mary.
Ishe wa Rwomushana akabanayetwa Rev. Can. Rwabuhiga owa Kazo.
Lay Canon Jeeb yasigaho abaana be kandi aba harimu Arthur, owayesimbireho aha MP bwa Ibanda Munisiparite kandi na n'entebe y'obwa meeya bwa Ibanda Munisiparite. Obwahati Arthur nakora na Alliance Vocational School. Abandi abaana barimu Brian, Betty na Nathan.
Mzee Lay Canon Jeeb Rwomushana Mukama Ruhanga akuhumuzegye kandi akwakiire omumikono yaba maraika.
Huumura Tuganiire
Abakatoriki (3) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (5) Amaka (5) Amakuru (561) America (1) Ebaruha (8) Ebirango (9) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (5) Okwiruka (2) Omuntu Waawe (14) Omupiira (43) Omushaho (1) Puriyamare (2) Ruhuuta (19) Senyiga Ya Corona (29)