Kagiira Skills Development Center, Agriculture With New SkillsEmboozi y'omwishiki w'omukiga, Ninye Ruhuta
Ruhuta ayiine omwishiki woomukiga
Nekya Agoweitu
165
Orwakashatu 2026-10-28
Iwe nogamba nkoha!
Nimbashaba mutegye amaatu nyowe Ruhuta emboozi nagireta, nimbashaba amisho gonka.
Abantu bangye muriyo? Nanye buziima ndiyo, okubayo kwangye nokw'obuhoro kandi obuhoro oburungi.
Mwagahurire, agokufa omwihanga ryeitu Uganda? Uganda eriyo netutwara aha sipidi nk'eyebijugirizi ebyomumwanya.
Haati mushutame, mbatebeze emboozi yangye eya Ruhuta kandi nimukimanyagye ngu nyowe tidemererwa omubintu by'okuhuta. Nyowe nikuhuta nka supu y'ekirengye.
Nkahuuta omunyakigezi, y'anyogyera eizina ery'omusuga
Yeimwe, nyowe nkaba ntakumanya ngu abanyakigezi nikwo batura kandi banuziire. Ira nira nkaba mpurira ngu, omwishiki nanga omukazi omunyakigezi, natemba enshozi eza kuhinga kandi ahabw'omwanya ogwo kuba ogw'enshozi, omukazi wa Kigezi, nahinuka bwizire. Nikwo kutekateka nti bari nka emishenyi ya Buharabu.
Mbwenu tabasibizeyo, kaba nigyenda gyenda omumihanda yangye, nikwo kugwaho omushaija ohunashomire nahwe aha mugigi, nikwo nkushaba ngu tugyende turebe omupiira gwa tiimu ya Real Madrid, na tiimu ya Barcelona, nanye timba mubi nyikiiriza kuza kureba akampiira.
Omukashumi kakye, kunahikire aha mwanya gwokureberaho omupiira, nikwo kure empagare nungi, buziima eyombekiregye kandi nta kubiha, omwishiki akaba aboniire kandi arikwaka nka entara ya motoka. Akaba ayiine ibiire eri omuganda yagizire, eri niryo ryaragirwe. Uuuuu, akaba ayiine ekibunu, nka ekya Bad black, ayiine eishokye nka eryaba Brazil.
Okushutama haihi n'omwishiki
Omukiire kakye, nkashaba omwakizi wa hoteri, okundetera akatebe haihi nempagare egyo.
Eh, kunashutamiire haihi nayo, nkahurira amashanyarazi aga UEDCL, gandabamu, buziima na amisho gayakayakana.
Okashushana ngu n'ekimurikano kirikuruga omwiguru. Enkoni ya Musa, nkahurira yarabamu obunuzi nahurira amaani gampwa. Nayogyera kugonda gonda. Wena nacwekacweka. Nijura mutiima orikwera. Washushana hagiira ekyakanga. Yamahwe, omwishiki w'omukiga akaba akozirwe okundi. Eki nikirema itebya.
Nomanya na n'omupiira gukandema ireeba, konka ekyasingireyo okunshemeza, nabwokugiira ngu Real Madrid ekashengura Barcelona.
Nta kusibizeyo, nkatumisha ecupa ya amarura kuba nidenzya aha mumiro. Kandi nikwo nkashaba omwakizi, okuha empagare eyo mukiga ecuupa ya eshande nagashi 'wine', kandi ebya kahangire.
Omwishiki tarabire mubi, nikwo okugyakiira akaginywa. Haaza omwishiki ogwo akaba ajwiire tishati ya tiimu ya Manchester United eya Bugyereza. Twena nitukimanya ngu tiimu egyo eriyo neraba omumbera zigumire.
Bwanyima y'okugotimera egirasi nka eishaatu eza amarura, nkamushaba kumwihika haihi, tukaganiira abikwatiirine na tiimu ya Manchester United, kandi ekiyayikirize.
Nikwo kumuhuriza nka mugiira ngu, tiimu egyo ni tiimu yamaani, nekiira tiimu ya Arsenal, ogisireho na tiimu ya Chelsea. Oh oh oh, omwishiki akashemererwa kandi akahumurizibwa ahabwa ebigambo ebinagambire ndi kuhagiira tiimu eya Manchester United.
Ekirungi nitukimanya ngu tiimu ya Manchester United, tekiine rugyendo, uh uh.
Uh, omwishiki nikwo kumbuza eiziina ryangye; kandi nikwo kumugarukamu nti nibanyeta Ruhuta mwiine Rutanyarahansi, nti kandi, warusharamu, nibanyeta "Ruhu".
Nikwo nahwe akangiira nibamweta Agnes owa Mpororo kandi n'omukugu omukubaara ebyesente. Agnes, ayongyera angira ngu omubwiire bwe obwobusingye, nakunda kuza aheru ya enju ye kureba akampiira nanga kunywamu aka juice. Nikwo bwanyiima akansiima ababwa "wine" eyinamugurire.
Okuhuta Agnes, akampa tiimu ya Manchester United omubwijwiire
Eki kikaba kiri nka ekirebwa omwe, ahabwokuba nahaati tikagarukaga kureba ekimuri kyangye Agnes.
Bantumwe, Agnes akaba arika omugyera gwa yorindani. Wow wow, akaba ayiine omubiiri guri kurikugonda eh!
Akakozesa obukoryo bwoona yabuhezayo kureba namurya kandi nahwe yandya. Beitu Ruhuta omwetaki?
Ahihi, tukahiikira omu hoteri emwe eyamani omuri Kampala kandi nungi munonga. Tukabanza twanaba, twatumisa ebyokurya, twarya, nikwo tukaza aha kitanda tukagarama.
Omukuganiira kweitu akadaganisa tiimu y'ona eya Manchester United, obwo otiiremu na kugitendeka. Buziima nkanye Ruhuta atiine obukugu omukutendeka za tiimu z'omupiira.
Haaza yayogyera yangiira ngu ahabwa omugisha ogunyiine, yanyogyera orutindo rwa Katonga kandi otiireho na nebisharara bya omurwera omuri Lukaya. Nyowe obwo nkaba nimpurira ninfa ensheko kandi tiimu anakonda ekaba eyetegyire kwakiira ebyo'mwishiki ebiyabiire naraganisa.
Omwishiki Agnes akanywegyera, nikwo anakonda ekahinduka enkoni ya eifundo. Enkoni ehamiire eriyo nekubishana, enkoni eriyo nekuronda omuhanda ahagati ya amaizi ga omugyera ga Katonga.
Akongyera yakwata ahibondo, weena nahurira nahwayo. Nomanya okuhwayo okareba amarari. Okareba ngu entebe eri omuri Entebbe niiwe ogiine nanga ori omunsi eyaraganisibwe Kyagolanyi.
Omudakiika nkye munonga, nkahurira omugyera gwa Katonga nigwitirira kandi ndeba amaizi gayijura omubisharara by'omurwera. Eh, ekirungi ebiribatiso nkaba byiine, nibyo byanyongiire obubonero. Aboojo bangye, mutebwa ebiribatiso byanyu.
Nikwo nkabizarwa omubwijwiire nka Savimbi nanga omunyamahe akuza kutenga orutaro.
Eh, nkatadika kwigura enshuro zoona, embaju za ensi yoona nazirabamu.
Tikyorobi okwigura ebisharara by'omwishiki w'omukigq kugiira ngu amaizi gatamburegye kandi g'okwenshogora.
Nikwo kuhenda ebishika bya Orutindo orwira orwa Katonga. Nkahurira yatera eborogo, ati Katonga nagikuha kandi nabyoona ebisharara obitware. Nanye timba mubi, byakiira. Iwe nomanya kuba ori mukama wa omwanya nk'ogwe? Ori aha ahagati nagati ya amaizi. Buziima, Agnes akaba ari nka amaate n'obwoki bwa Ankole. Bwanyima y'okuhendera orugyendo rwangye rwokutabara enshozi za Kigezi, kandi nokuhuta supu ya Kigezi nikwo tukanywa aha maizi.
Bwanyima yokuganywa amaizi, okunshaba tugyende tuzane akapiira omurundi ogundi. Tikiratwire bwiire bwingi, akapiira kakagarukamu omukicweka by'omuringo mwingi
Obwo turiyo tukuzana omupiira, nkamushara shara, nkamutera enkuri, nkamuhisa kaadi eya kyenju. Nkamushara nka Ronaldo na Messi. Nikwo twena tukaruha, akatera ekiborogo akanyiga nyiga omumugongo, ati tiimu ya Manchester United, nanye nti nogamba nkooha? Nka omusuga??
Nikwo kunsiima ati nihwe maguire wangye, niiwe Mbuwemo kandi omurikukira byoona niiwe Ruhuta otanyara hansi.
Aboojo, nikwo nahusiire omunyakigezi. Ekyomugisha omubi, tindatungire enamba.
Nasigara ndi omwana wanyu, Ruhuta Rubahuta.
Huumura Tuganiire
Abakatoriki (3) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (5) Amaka (5) Amakuru (561) America (1) Ebaruha (8) Ebirango (9) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (5) Okwiruka (2) Omuntu Waawe (14) Omupiira (43) Omushaho (1) Puriyamare (2) Ruhuuta (19) Senyiga Ya Corona (29)