Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Reeba ba kansara ba Ibanda okubariire enguzi bakaremesa entunguuka omuri Ibanda!!!. Enshumi nkye eyituteire amabega



Nekya
0

Orwakabiri 2020-02-18

Reeba ba kansara ba Ibanda okubariire enguzi bakaremesa entunguuka omuri Ibanda!!!. Enshumi nkye eyituteire amabega tukareeba omunyeishengyero ahabwa Ibanda y'amashuuma kandi ori Minisita ahabwa enshonga za karamoja Hon John Byabagambi obuyabeire arihaihi kukwatana na omwe omuri ba kansara ba disitirikiti orikumanywa nka Kamagara Godfrey obwe Byabagambi agumize ngu ba kansara bakabasa kuba nibaata enama omu kanso enkuru ya disiturikiti ya Ibanda ngu obundi bakaaremesa disiturikiti ya Ibanda kuheereza eitaka ekitongore ekiheereza amaizi ekyirikumanywa nka National Water and Sewerage Cooperation( NWSC) Nikyigambwa ngu ekitongore eki kikashaba disiturikiti ku ebaha eitaka ryokwombekaho ofiisi zaakyo nikwe Ibanda yoona ebaase kutunga obuheereza bw'ameizi, kwonka ebyo byoona bikyiri aho,bamwe ahabarikushutama omu kanso y' Ibanda bakarahira kandi nangwa bakomba nah'itaka oku batarikubaasa kuhererezayo eitaka eryo beitu obwahati nikigambwa omungambo ngu bamwe omuri ba kansara bariyo nibashaba ekyituga okuruga omuri bamwe aha babebembezi ba disitirikiti nikwe babaase kwikiriza kuhayo eitaka eryo eririkushangwa ahamuhanda nyeigyendwa ogwa Ibanda- Kamwengye . Nikyigambwa ngu aba NWSC benzire kuteka obuhereza bwabo omuri za disitirikiti zitarizimwe na zimwe nka Ibanda, Kamwenge, Kazo hamwe nebicweka bimwe omuri Mbarara kurebeka ngu abantu batunga ameizi marungi beitu Ag'oweitu tubaasize kugamba na bamwe ahari ba kansara abarimu Kamagara Godfrey orikumanywa nke " eiraka rya kashangura" kurabira aha bwoko bwa ntuma ndahukye, agyizire ngu ebibarikugamba ngu ba kansara nibenda ekyituga, ngu n'ebishuba kandi ngu we nka Kamagara tarikubaasa kukwaata ekyituga nozaakuba shiringi eigana. Kandi tugarukire twagezaho kugambaho n' omwe omubarikugambwaho omungambo kuba ari omwe ahabari kushaba ekyituga orikumanywa nka Bigyirwa kwonka esimu tiyarabamu. Kagashaka wa Ag'oweitu tugumizemu twagambaho nabantu batari bamwe na bamwe kuruga omu myanya etari emwe n'emwe,omukyara omanyirweho erya Kyomuhendo kuruga Kazo ngu nahagira ekya disiturikiti kuhayo eitaka kugira ngu abantu batungye ameizi marungyi. Kandi we omanyirweho erya Musinguzi agizire ngu kanso eikirize eheyo eitaka nikwe kitunguure nebicweka ebindi nka Kamwenge na Kitagwenda. Kandi we Kenneth okuruga Ruyonza agyizire ngu disituriki ku eraagume eremeire eitaka eryo,nibeija kwekoramu omurimo bahandike ekyihandiko bakitwaarire mukuru w'eihanga bakumworeka oku beikiriize kuhayo eitaka eryo obwo barikurihayo omukyito

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)