Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Empapura z'obwegyese z'omwe aha barikwenda ey'omunyeishengyero wa Ibanda ya'amteemba, zahamibwa!*



Nekya
297

Orwakana 2020-02-13

*Empapura z'obwegyese z'omwe aha barikwenda ey'omunyeishengyero wa Ibanda ya'amteemba, zahamibwa!* Eizooba rya kazooba, omwe kandi aha barikwenda entebe y'omunyeishengyero ahabwa Ibanda ey'amateemba, orikumanywa erya Owomugisha Jibril Ssemakula, yabaasa kuba narugayo kandi akaza omu ofiisi y'eby'obwegyese UNEB, kubasa kuba nahamibwa ku ayine byoona ebipapura ebirikumwikiriza kwetsimbaho aha ntebe niyo emwe. Beitu ogu mushaija Jibril Ssemakula kandi orikweyeta eicumu rya-Ibanda, yabaasa kuba nahika aha ofiisi niyo emwe shaaha 11:00am z'omukasheeshe, nikwo kuherezayo ebipapura byoona eby'obwegyese bwe, kubabishomamu kandi nangwa bakabaasa kuba nibabyetegyereza kurungi, kureeba yaba nabaasa kuba nayetsimbaho aha ntebe y'omunyeishengyero ahabwa Ibanda eyamatemba. Eki kyatwaara akasente kakye karinganaire karikwingana emitwaaro nkaaga yonka omu za Uganda. (600,000shs.). Jibril kuyaba nagambaho n'omwe omu bashaki b'ag'oweitu, beitu owaba aine amashemererwa maingi munonga, yaaba agumize ngu hati yaheza kuhamibwa, kandi ngu nangwa ekitongore Kya UNEB kyabaasa kuba nikimwikiriza kugumizamu nakora emirimo ye kurungi. Hati, arinzire ekiro ekibataho kuza kwehandikisa omukitongore ekimanywa nka Electrol Commission, nayo kuba nazayo akongerwa kuhamibwa, obwo arikwetebekanisa kwebembera abantu ba Ibanda ey'amatemba. Omubigambo bye, yagumizamu arikugira ngu abanyibanda ey'amateemba, noobu nibwo bwire obu omuntu wahansi ashemereire kuba naronda omuntu arikubaas kuba namuhitsyaho obuhereza omubwire! Ogu yagumiizemu arikugira ngu hati, yaherize kushaba nangwa nokwikirizibwa kuba nakorera emirimo ye aha eirwariro erikuru erya Ishongororo HC4, ngu obundi akaguma haihi n'abantu be abarikwenda kwebembera, ngu baitu obwo, akatunga nobwire burikumara nikwo barebe okubakurakurana Ibanda ey'amatembe na Uganda yoona! Naitwe Ag'owaitu, nikwo kukuhitsyaho amakuru aga, omubwire! *Huumura Tuganiire*

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)